Proverbios 24:12 - Bible in Tzeltal Bachajón

¹² Teme yac awal: Ma ba la jna'cotic, teme xchihate, ¿yu'un bal ma ba ya sna' te mach'a ya yil o'tanil? Te mach'a ya scanantaybat acuxlejal ya me sna', ya me ya'be stoj jujutuhl ha chican bin yilel te ya'tele.

Bible in Tzeltal de Oxchuc y Tenejapa

¹² Manchuc me ya awal te ma la awaiy stojole, pero te mach'a ya sna' bi ay ta co'tantic, ya sna' stuquel. Melel ya me sna' stuquel te mach'a ya yilate, ja' te mach'a ya yac'bey stojol sc'ab ta juju-jtul chican bi yilel te yat'ele, ja' me ya yilat stuquel.

Proverbios 24:12 Referans Kwoze

Job 34:11

Ha ya ya'be stoj te winic ha chican te ya'tele, ya ya'be ta scuenta ha chican te bin spasoje.

Apocalipsis 2:23

Ya cac' lajuc te yalatac, hich spisil te iglesiahetic ya me sna'ic te ho'on ya jtsahtay te snopojibal yu'unic soc te bin ay ta yo'tanic. Ho'on ya ca'beyex jujutuhl ha chican bin yilel te awa'telique.

Romanos 2:6

te ha ya yac'ticlambe stoj ta tuhlutuhl, ha chican bin yilel ya'telic:

Proverbios 21:2

Spisil te behetic yu'un te winic ya scuy ta toj, pero te Jehová ya xna'bot yo'tan yu'un stuquel.

Jeremías 17:10

Ho'on Jehovahon ya jtsahtay te o'tanil, soc ya jtsahtay te bin snopoj, yu'un ya ca'be stoj ta tuhlutuhl ha chican bin ya spasic, ha chican bin yilel sit te ya'tele, xchi te Jehová.

Eclesiastés 5:8

Teme yac awil te ay banti ayic ta uts'inel te pobrehetic, soc te ma stojiluc ya xchahpanotic, ma me xchamuc awo'tan yu'un; como ay mach'a muc' ya'tel te ya x'ilot yu'un mach'a toyol xan yu'une, soc ay mach'a toyol xan yu'un schebalic.

Salmos 121:8

Te Jehová ya scanantayat te c'alal ya xloc'at bahel soc te c'alal ya suhtat talel, ta ora ini soc ta sbahtel q'uinal.

Salmos 121:3

Ma ba ya yac' te ya xbilts'uj awoc; ma xway te mach'a ya scanantayat.

1 Samuel 16:7

Pero halbot yu'un Jehová te Samuel: Ma me ha'uc xawil te bin yilel o te bin yilel snahtil, como ch'aybil cu'un. Como te Jehová ma ha'uc ya yil te bin ya yil te ants-winic, como te ants-winic ha ya yil te bin chican ta sit, yan te Jehová ha ya yil te bin yilel te o'tanile, xchi.

Salmos 62:12

soc ha'at awu'un, Cajwal, te c'uxultaywanej. Ta jujutuhl yac awa'be stojol sc'abic, ha chican bin yilel te ya'telique. Salmo yu'un David te c'alal ay ta jochol taquin q'uinal yu'un Judá.

Salmos 17:3

Ha'at la atsahtaybon co'tan, tal awilon ta ahc'abal; la atsajon, mayuc bin chopol la atahbon. La jnop ta co'tan te ma ba ya sta smul te que.

Apocalipsis 22:12

Hich la yal te Jesús: ¡Nopol ya xtalon! Soc quich'oj ya xtal te stojol sc'abic, ya ca'be stojol ta jtuhlutuhl ha chican bin spasoj.

Apocalipsis 2:18

Ts'ihbabeya te ch'ul a'bat yu'un te iglesia ta Tiatira: Hich ya yal te Snich'an Dios, te sjel ta yat c'ahc' te sit soc hich yilel yoc te bin ut'il xlipet huxbil bronce:

Apocalipsis 1:18

te mach'a cuxul. Lajon, pero cuxulonix sbahtel q'uinal. Quich'oj te llave yu'un lajel soc yu'un te yawil mach'atic chamenic.

2 Corintios 5:10

como jpisiltic ya me xc'ohotic ta chahpajibal yu'un Cristo, scuenta yu'un jujutuhl ya yich' stojol, ha chican bin la spas te c'alal ay to ta sbaq'uetal a, teme lec o teme ma lecuque.

1 Corintios 4:5

Ha yu'un ma me ayuc bin yac achahpanic te ma to stahoj yorahil, ha to c'alal ya xtal te Cajwaltic, te ha ya schicnajtes bintic muquen ay ta yihc'al q'uinal soc ya me yac' ta na'el te bin snopoj ta yo'tanique. Ha to me ya yich' jujutuhl a te bin lec sc'oblal ya xhalbot yu'un Dios.

Romanos 2:16

ta yorahil te Dios ya yich' ta c'op ta scuenta Jesucristo te bintic muquen ay yu'un te ants-winiquetic, hich te bin ut'il ya yal te lec yach'il c'op cu'une.

Hechos 17:28

Como ha ta scuenta te cuxulotic, te ya xbehenotic soc te hich ayotic; hich te bin ut'il yalojic te mach'atic awu'unic te ya sna'ic tsahbil c'opetic: Ha sts'umbalotic, te xchihique.

San Mateo 16:27

como te Nich'anil ay ta scuenta winic ya xtal soc yutsilal te Stat, sjoquinej te ch'ul a'batetic yu'un, hich ya yac'ticlambe stojol sc'ab jujutuhl, ha chican bin yilel ya'telic.

Daniel 5:23

La atoy aba ta stojol te Ajwalil yu'un te ch'ulchan; la aticon ta ich'el tal ta atojol te vasohetic yu'un te templo yu'un; ha'at soc te príncipaletic, te antsetic awu'un soc te yan antsetic awu'un la awuch'ic vino a; soc la awalbe yutsil sc'oblal te diosetic te pasbilic ta plata, oro, bronce, hierro, te' soc ton, te ma xyilic q'uinal, ma xya'iyic c'op, soc mayuc bin ya sna'ic; ma ba la awich' ta muc' te Dios te ay ta sc'ab te acuxlejal soc spisil te behetic awu'une.

Jeremías 32:19

C'ax muc' te bintic anopoj ta awo'tan soc c'ax t'ujbil te a'teliletic awu'une. Yac awil spisil te bintic ya spasic te ants-winiquetic, yac awa'be stoj ta jujutuhl chican bin yilel te stalelic soc te sit te ya'telique.

Proverbios 5:21

Te behetic yu'un te ants-winic ay ta sit te Jehová, ha ya stsahtay yil spisil te behetic yu'un.

Salmos 66:9

Ha la yac' te cuxulotic soc ma ba la yac' bilts'uj te coctique.

Salmos 44:21

¿ma bal lajuc sna' te Diose? como ha sna'oj spisil te bin muquen ay ta o'tanil.

Salmos 7:9

Lajimbeya schopolil te mach'atic chopol yo'tanic, pero a'beya yich' yip te mach'a toj yo'tan, como toj yo'tan stuquel te Diose, ya stsahtay pensaril soc o'tanil.

1 Samuel 25:29

Aunque ay mach'a ya snutsat yu'un ya sc'an ya smilat, te scuxlejal te cajwal jun ya xc'oht soc te mach'atic cuxulic ta stojol Jehová te Dios awu'une; soc ya me sch'oj bahel te scuxlejal te acontratac hich te bin ut'il ton ta jihmuch'il.

1 Samuel 2:6

Te Jehová ya yac' lajel soc ya yac' cuxlejal; ya yac' cohuc ta muquenal soc ya yac' loq'uel tal.

1 Samuel 2:3

Ma me xc'opojex soc atoybahilic, ma me xloc' toyba-c'op ta awe'ic, como te Jehová ha te Dios te ya sna' spisil, soc ay ta scuenta stsahtayel te bintic ya yich' pasele.

Salmos 94:9

Te mach'a la spas te chiquinil ¿ma bal yacuc ya'iy? Te mach'a la spas te sitil ¿ma bal yacuc yil?

Proverbios 12:14

Te winic ya xnoj ta bin lec yu'un te sit te bin ya yal, soc ya yich' stojol ha chican bin yilel ya'tel te sc'abe.

Proverbios 5:22

Te mach'a chopol ha nix ya stsacot yu'un te sbohlile; ha nix ya xchucot yu'un te slazohil te smule.

Proverbios 16:2

Spisil te behetic yu'un te ants-winiquetic lec c'ohem ta yo'tanic, pero te Jehová ya stsahtay te bin yu'un te hich ya spase.

Lamentaciones 3:36

te sjinel te bin toj ta chahpanel, ma lecuc yo'tan yu'un te Jehová.