Proverbios 24:10 - Bible in Tzeltal Bachajón

¹⁰ Teme ya xpehc'aj awo'tan te c'alal ay awocol, mayuc bayel awip.

Bible in Tzeltal de Oxchuc y Tenejapa

¹⁰ Teme ya xpejc'aj awo'tan te c'alal ay awocol a, yu'un ma'yuc bayal te yip awo'tan awich'oje.

Proverbios 24:10 Referans Kwoze

Efesios 3:13

Ha yu'un ya calbeyex wocol te ma me xpehc'aj awo'tanic yu'un te bin ut'il ay jwocol ta acajic, yu'un tey yac ata awutsilalic a.

Jeremías 51:46

Ma me xlaj yip awo'tanic, ma me xiwex yu'un te bin yac awa'iyic ta q'uinal. Ay bin yac awa'iyic ta yan ha'bil, yan bin yac awa'iyic ta yan ha'bil. Yac awa'iyic te ya xtal uts'inel ta q'uinal, soc te ajwalil ya scontrahin yan ajwalil.

1 Samuel 27:1

Hich la yal ta yo'tan te David: Ya me sta yorahil te ya xlajon ta sc'ab te Saúl. Ha lec ya xbohon ta ahnel ta sq'uinal filisteohetic, scuenta yu'un hich ma ba ya sna'onix a te Saúl, soc ma ba ya slehonix ta sjoyobal sq'uinal Israel, hich me ya xcolon ta sc'ab a, xchi.

2 Corintios 4:1

Ha yu'un te bin ut'il quich'ojcotic te a'tel ini ta scuenta te sc'uxul yo'tan Dios, ma xpehc'aj co'tancotic.

Job 4:5

Pero yo'tic tal wocol ta atojol, ma xcuhch awu'un; c'alal c'oht ta atojol, yac amel awo'tan yu'un.

Apocalipsis 2:3

C'axem awocol soc cuhchem awu'un, tulan a'tejemat ta scuenta jbihil, soc ma ba luhbenat.

Apocalipsis 2:13

Ya jna' banti nahinemat, ta banti ay te shuctajib te Satanás. Pero stalel jun awo'tan ta jtojol, ma ba amucoj ta awo'tan te ach'uhunejon, ni ha'uc te c'alal laj ta awohlilic te Antipas te testigo cu'un te jun yo'tan ta jtojol, tey ta banti nahinem te Satanás.

San Juan 4:8

(Te jnopojeletic yu'un bahemic ta pueblo ta smanel swe'elic.)

Deuteronomio 20:8

Te jcuentahinwanejetic ya me sc'oponic xan te soldadohetic, hich ya yalic: ¿Mach'a a te ya xiw soc te mayuc yip yo'tan? Ac'a suhtuc ta sna scuenta yu'un hich ma sjuc ta xiwel a te yantic yermanotac, xchihic me.