Proverbios 23:21 - Bible in Tzeltal Bachajón

²¹ como te jyacubeletic soc te mach'atic bayel ya xwe'ic ya me xpobrehubic, soc bayel te wayele ya yac' ta lapel lohmen c'u'uletic.

Bible in Tzeltal de Oxchuc y Tenejapa

²¹ Melel te jyacubeletic soc te mach'atic bayal ya xwe'ic ya me x'ochic ta me'bal yu'un; soc te ch'ajetic ya me slapic lomen pac' stuquelic.

Proverbios 23:21 Referans Kwoze

Proverbios 21:17

Te mach'a ya smulan te bintic mulantic sba, pobre ya xc'oht; te mach'a ya smulan te vino soc te perfumehetic ma ba ya xc'ulejub.

Filipenses 3:19

Ch'ayel me ya xbahtic yu'un, ha dios yu'unic te sch'uhtic, soc te yutsilalic ha te bin q'uexlaltic sba, ha nax bahem ta yo'tanic te bintic scuenta bahlumilal.

Gálatas 5:21

ti'ti'o'tantaywanej, yacubel, spasel bohlq'uin, soc yantic bintic pajal soc. Ya jtsitsex yu'un spisil ini, hich te bin ut'il la jcalbeyex ta nahil to, te mach'atic hich ya spasulanic ma ba ya x'a'bot yich'ic te cuentahinel yu'un te Diose.

1 Corintios 5:11

Pero ya jts'ihbabeyex te ma me xajoquinic te mach'a ya scuy sba ta hermano, teme ha j'antsiwej, o te ay st'ut'il, sch'uhunej lotil diosetic, j'ixta'c'op, jyacubel o j'elec'; ma me xajoquin abahic ta we'el soc.

Proverbios 19:15

Te ch'ajilal ya yac' te ya xc'ub wayel yu'un, soc te mach'a ch'aj, ya xtal swocol ta wi'nal yu'un.

Deuteronomio 21:20

hich ya xc'oht yalbeyic: Ha'i cal-jnich'ancotic ini mero tulan yo'tan soc toyol yac'oj sba, ma ba ya sch'uhun jc'opcotic, ha nax bahem ta yo'tan we'el soc yacubel, xchihic.

1 Corintios 6:10

j'eleq'uetic, mach'atic ay st'ut'ilic, jyacubeletic, j'ixta'c'opetic, jlo'loyej-biluquetic, ha'ic ini ma ba ya x'a'bot yich'ic te cuentahinel yu'un Dios.

Joel 1:5

Cuxa awo'tanic, jyacubelex, oc'anic; ahcanajanic apisilic te yac awuch'ic vino, como pojbilix loq'uel ta awehic.

San Mateo 11:19

Tal te Nich'anil ay ta scuenta winic te ya xwe' x'uch' stuquel, hich ya yalic: Bayel ya xwe' soc ya yuch' vino, ha jun yo'tan sba soc te jc'an-patanetic soc yantic jmulawiletic, xchihic. Pero te p'ijil-o'tanil ya xchicnaj ta scuenta te yal-snich'nabe, xchi te Jesús.

Proverbios 18:9

Te mach'a ma spas te ya'tel, ha yermano sba soc te mach'a ya xjinawan.

Eclesiastés 10:18

Ta scuenta ch'ajilal ya xyahl cohel smuhquil te na; ta scaj te ya spet sc'ab ya x'och ha'al ta na.