Proverbios 22:9 - Bible in Tzeltal Bachajón

⁹ Te mach'a ya x'ilawan soc sc'uxul yo'tan ya x'a'bot bendición, como ya ya'be swe'el te pobre.

Bible in Tzeltal de Oxchuc y Tenejapa

⁹ Te mach'a soc yutsil yo'tan ya yil yan, ya me x'ac'bot bendición ta swenta bit'il ya yac'bey swe'el te me'baetique.

Proverbios 22:9 Referans Kwoze

Proverbios 19:17

Te mach'a ay bin ya ya'be te pobre, ha ya ya'be smajan Jehová c'ohem; ha ya suht ta stojol te bin lec spasoje.

Hebreos 6:10

Ma yu'unuc te ma tojuc yo'tan te Dios, te ya sch'ay ta yo'tan te awa'telic soc te sc'uxul awo'tanic te la awaq'uic ta ilel ta scuenta sbihil, te bin ut'il la awac' abahic ta a'batinel ta stojol te mach'atic ch'uhltesbilic, soc te hich nix yaquex ta spasel c'alal ora.

1 Pedro 4:9

Talel c'axel xawotses abahic ta anahic, ma me x'aletuc awo'tanic yu'un.

Hechos 20:35

Ta spisil ini la jca'beyex anopic, teme hich ya x'a'tejex, ya xhu' yac acoltayic te mach'atic mayuc bin ay yu'unic. Soc na'ahic me te bin la yal te Cajwaltic Jesús: Ha bayel xan yutsil te mach'a ay bin ya yac' te bin ut'il ay bin ya yich', te xchihe, xchi.

Hebreos 13:16

Soc ma me xch'ay ta awo'tanic spasel te bin lec soc te talel c'axel yac acoltay abahic, como hich yilel milbil mahtaniletic ini te lec yo'tan Dios yu'une.

San Lucas 14:13

Teme yac apas bayel we'elil, ha me xawic'ticlan te pobrehetic, nolc'abetic, coxo'etic soc ts'o'sitetic;

Isaías 32:8

Yan te mach'a lec sc'oblal ya snop te bin lec, soc ta scuenta te lec sc'oblal yu'un, jun yo'tan ya xhil.

Proverbios 21:13

Te mach'a ma xya'iybe yaw te pobre, ha nix hich ma x'a'iybot te c'alal ya x'awone.

Salmos 112:9

Ya spucticlan, ya ya'be te pobrehetic, stalel ay te bin toj ya spas; ya xtohybot sc'oblal te yip scuenta yich'el ta muc'.

Proverbios 11:25

Te mach'a ma p'isbiluc nax ya yac', ya xp'ohl bintic ay yu'un; te mach'a ya ya'be te yane, ha nix ya x'a'bot.

San Marcos 7:22

xbic'bon yo'tan, uts'inwanej, lo'loywanej, chijil-o'tanil, bic'tal-o'tanil, ixta'c'op, toybahil soc te ma sna' q'uinale.

San Mateo 20:15

¿Ma bal yacuc xhu' ya jpas te bin ya jc'an ya jpas soc te bintic ay cu'une? O ¿ay bal sbic'tal awo'tan yu'un te lec co'tan? la yut.

Deuteronomio 28:56

Te ants te ay ta awohlil te mero lec yo'tan soc te lec ay ta q'uinal, te hich slequil ay te ma sc'an ya stec' lum ta yoc te mayuc step, ya me xbohlob ta sit te smamalal te bayel c'ux ta yo'tan soc te squerem-al soc yantsil-al;

Proverbios 31:20

Ya sjam sc'ab ta stojol te pobre, ya shach sc'ab ta stojol te mach'atic mayuc bin ay yu'unic.

Proverbios 11:17

Te mach'a ya xc'uxultaywan, lec bin ya spasbe sba, yan te j'uts'inwanej ha nix ya yuts'in sba.

Proverbios 11:27

Te mach'a ya sle bin lec, ya sta lec sc'oblal, yan te mach'a ya sle bin chopol, ha nix ya xtahot yu'un.

Proverbios 14:21

Ha stahoj smul te mach'a ya sp'aj te spat-xuhc, pero bayel yutsil te mach'a ya sc'uxultay te pobre.

Proverbios 28:24

Te mach'a ya yelc'ambe sbiluc te stat o te snan soc te ya yal te ma muliluc, ha smohlol te mach'a ya xjinawan.

Proverbios 28:27

Te mach'a ay bin ya ya'be te pobre mayuc bin ya spasot falta yu'un; yan te mach'a ma ba ya yilbe swocol, bayel ma lecuc sc'oblal yu'un.