Proverbios 22:8 - Bible in Tzeltal Bachajón

⁸ Te mach'a ya sts'un te bin chopol ha nix ya stsobe sit te bin chopole, soc ya me xlaj te sbastón te sc'ahc'al yo'tan.

Bible in Tzeltal de Oxchuc y Tenejapa

⁸ Te mach'a ya sts'un te bitic ma lecuc ta pasele, ja' nix ya sc'ajbey swocolil; te Cajwaltic ya me slajin ta sbastón ta sc'ajc'al yo'tan.

Proverbios 22:8 Referans Kwoze

Job 4:8

Como quiloj te mach'atic ya sjoq'uic bin chopol soc te ya sts'unic labanwanej, ha nix ya stulbeyic sit.

Oseas 10:13

Pero ha'ex la ats'unic te bin chopol, soc la atsobic te bin ma stojiluc, la awe'be sit te lote. Te bin ut'il la smuc'ulin awo'tanic te be awu'unic soc te ay tsobol soldadohetic awu'un,

Isaías 30:31

Te sc'op Jehová ya me swuy te Asiria, ya smaj ta sbastón.

Proverbios 14:3

Te bin ya yal te mach'a ma sna' q'uinal, ha xul ya xc'oht yu'un ta spat, yan te mach'a p'ij yo'tan ya xcanantayot yu'un te sc'ope.

Salmos 125:3

Te bastón yu'un te mach'a chopol yo'tan ma ba stalel ya xhil ta stojol te q'uinal a'bot yich'ic hilel te mach'atic toj yo'tanic, scuenta yu'un ma ba ya shach sc'abic ta spasel bin chopol te mach'atic toj yo'tanique.

Oseas 8:7

La sts'unic ic', la stsobic sutu-ic'. Mayuc sit te trigo, ma ba ya yac' harina; teme ya sitin, ya xwe'ot yu'un jyanlumetic.

Isaías 14:29

Apisilic, filisteohex, ma me tse'eluc awo'tanic yu'un te waq'uix te xul te la yehchentesat; como ta slohp' te chan ya xloc' tal ti'awal chan, te sit ya yac' ha c'ahc'al chan te ya xwiluntaywan.

Isaías 10:5

¡Ay me swocol te Asiria! te xul yu'un quilimba, ay ta sc'ab te nahbate' yu'un te quilimbahe.

Isaías 9:4

Como la alajimbe te yugo yu'unic te al, ha te te' ay ta snehquelic soc te bastón yu'un te mach'a uts'inot yu'un, hich te bin ut'il ta yorahil te jihn te Madián.

Proverbios 1:31

hich ya me swe'beyic sit te be yu'unic soc ya xnojic ta bin chopol snopoj ta yo'tanic.

Isaías 10:25

pero nopol ya xlahmaj te sc'ahc'al co'tan ta atojol, te quilimba ya xc'oht ta stojolic yu'un ya xlajinotic yu'un.