Proverbios 21:8 - Bible in Tzeltal Bachajón

⁸ Ma tojuc te be yu'un te mach'a ay smul, yan te bintic ya spas te mach'a mayuc smul ha toj stuquel.

Bible in Tzeltal de Oxchuc y Tenejapa

⁸ Ma me bay tojoben yat'el te mach'a amene; yan te yat'el te mach'a lec yo'tane, toj ay stuquel.

Proverbios 21:8 Referans Kwoze

Proverbios 2:15

te ha chuhcul te behetic yu'unic, ma tojuc te sbehique.

1 Juan 3:3

Spisil mach'a te hich yac ta smahliyel, ha nix yac slecubtesbel sba, hich te bin ut'il lec stuquel te Cristo.

1 Juan 2:29

Teme ana'ojic te toj yo'tan te Jesucristo, na'ahic me te spisil mach'atic ya spasic te bin toj ha yal-snich'an Dios abi.

Tito 3:5

la scoltayotic, ma ha'uc yu'un te lec ca'tel jpasojtic, ha nax ta scuenta sc'uxul yo'tan, ta scuenta te poquel yu'un cha'ayinel soc ta scuenta te ach'ubtesel yu'un te Ch'ul Espíritu.

Tito 3:3

Ta nahil to ha nix hichotic, ma ba la jna'tic q'uinal, jc'axun-c'opotic, howiyemotic, mosohimbilotic yu'un chijil-o'tanil soc spisil ta chahp bintic mulambil cu'untic spasel, ca'telinejtic lablab-o'tantaywanej soc ti'ti'o'tantaywanej, ihlaybilotic soc talel c'axel la jquihlay jbahtic.

Tito 1:15

Spisil mach'atic lec yo'tanic, lec sc'oblal yu'unic spisil bintic ay, yan te mach'atic bohloben yo'tanic soc te ma sch'uhunic Dios, mayuc bin lec sc'oblal yu'unic, como bohloben sjolic soc yo'tanic.

1 Corintios 3:3

como ayex to ta scuenta ch'ich'-baq'uet. Te bin ut'il ay ta awohlilic xut'et-o'tanil soc hach-c'op ¿ma bal ayuquex ta scuenta ch'ich'-baq'uet soc te hich ayex te bin ut'il yantic winiquetic?

Hechos 15:9

hich ma ba yan yilel la yac' a te bin ut'il te ho'otique, yu'un la spocbe yo'tanic ta scuenta sch'uhunel yo'tanic.

San Mateo 12:33

Teme lec te te', lec sit ya yac'; teme ma lecuc te te', ma lecuc te sit ya yac', como ta scuenta sit ya xna'bot sba te te'e.

San Mateo 5:8

Bayel me yutsilic te mach'atic sac yo'tanic, como ya me yilic te Diose.

Daniel 12:10

Ay tsobolic te lecubtesbil soc pocbil ya xc'ohtic; yan te mach'atic chopolic stalel schopol ya xhilic, soc mayuc ni jtuhluc te mach'a chopol yo'tan te ya sna'be scuentahil, pero te mach'atic p'ij yo'tanic ya me sna'beyic scuentahil.

Eclesiastés 9:3

Ta spisil te bin ay ta pasel ta ye'tal ch'ulchan, ha te bin chopol ini: ha te pajal quechel ya xc'oht ta stojol spisilic; soc te yo'tan te ants-winic nojel ta bin chopol soc sonsohil ta spisil scuxlejal, patil ya xbahtic ta banti ay te mach'atic chamenique.

Eclesiastés 7:29

Ha nax jtahoj ini: ha te toj yo'tan pasot yu'un Dios te ants-winic, pero ha la sle bayel ta chahp bintic ma lecuc.

Proverbios 30:12

Ay mach'atic ya scuy sbahic te mayuc smulic, pero ma ba lecubtesbil yu'un te bin bohlobenic yu'une.

Proverbios 15:26

Te Jehová ya yihlay te bintic snopoj te mach'atic chopolic, pero ya smulambe sc'opic te mach'atic sac yo'tanique.

Génesis 6:12

Dios la yil te c'ax bohlob te bahlumilal, yu'un ta spisilic bohlobtesbil yu'unic bintic la spasic ta q'uinal.

Tito 2:14

Ha la yac' sba ta lajel cu'untic yu'un la smanotic loq'uel ta stojol spisil bintic chopol soc yu'un ya sch'ultes jun pueblo te yu'un ya xc'oht, te ya yo'tantayic spasel lequil a'teliletic.

Proverbios 21:9

Ha lec xan nahinel ta xuhc ba na te bin ut'il sjoquinel ta muc'ul na te ants te bayel ya x'utawan.

Isaías 26:7

Ha toj te be yu'un te mach'a toj yo'tan, ha'at te toj awo'tan, yac apamambe te sbe te mach'a toj yo'tan.

Isaías 59:8

Ma ba sna'beyejic sba te sbehlal lamal-o'tanil, mayuc stojil chahpanel ta behetic yu'unic; ha chuhcul be te behetic yu'unique; mayuc mach'a ya xbehenic tey a te ya ya'iy lamal-o'tanil.