Proverbios 21:6 - Bible in Tzeltal Bachajón

⁶ Stsobel c'ulejalil ta scuenta lo'loywanej, ha sahb ehal te ma xhalaj soc ha yaquil te ya xlajinwan.

Bible in Tzeltal de Oxchuc y Tenejapa

⁶ Te c'ulejalil te ya yich' tael ta swenta lo'laywanej ajc' nax ay ta q'uinal, soc ya x'ac'ot ta lajel yu'un.

Proverbios 21:6 Referans Kwoze

Proverbios 13:11

Te c'ulejalil te ma lecuc tahbil, ya xpehc'aj bahel, yan te mach'a c'unc'un ya stsob, ya xmuc'ub bahel yu'un.

Proverbios 10:2

Te c'ulejalil te ma stojiluc tabile, mayuc bin ya xtuhun a, yan te bin stojil ta pasel ya x'ac'awan ta libre yu'un lajel.

Proverbios 20:21

Te bin ora nax ta tahel ta shahchibal, ma ha'uc bendición ya xc'oht ta loq'uel.

Jeremías 17:11

Te mach'a ma stojiluc ya sta sc'ulejal, hich c'ohem te bin ut'il wanculul te yan tomut ya sluts'. Ta yohlil te scuxlejal ya x'ihquitayot yu'un, soc ta slajibal ha sonso ya xc'oht.

Proverbios 8:36

Pero te mach'a ya sta smul ta jtojol, ya ya'be sba swocol, spisil te mach'atic ya sp'ajonic ha c'ux ta yo'tanic te lajele, xchi te P'ijil-o'tanile.

Proverbios 30:8

Loq'uesa ta jtojol te lot soc te lo'loywanej; soc ma me xawac'on ta pobre o ta jc'ulej, ha nax me xawa'bon te we'elil te ya xtuhun cu'une,

Proverbios 22:8

Te mach'a ya sts'un te bin chopol ha nix ya stsobe sit te bin chopole, soc ya me xlaj te sbastón te sc'ahc'al yo'tan.

2 Pedro 2:3

Ta scaj sbic'sitayel taq'uin ya me slo'loyex ta scuenta lotil c'op. Ayix ora te quechel yich'belic castigo yu'un, soc yac smahliybel te ch'ayel yu'unique.

Proverbios 20:14

Te mach'a ya xmambaj: Ma lecuc, ma lecuc, xchi, pero te c'alal ya xloc' bahel ya stoy sba yu'un.

Tito 1:11

Ya sc'an ya yich' macbeyel yehic, como yac sjimbel nahetic, yu'un ta scaj sbic'sitayel taq'uin ya yaq'uic ta nopel te bin ma xtuhune.

Ezequiel 18:31

Ch'oja bahel spisil te bintic ac'axuntayejic te la atahic mulil yu'une, pasahic ta yach'il te awo'tanic soc yach'il espíritu awu'unic. ¿Bin yu'un ya xlajat, pueblo Israel?