Proverbios 21:4 - Bible in Tzeltal Bachajón

⁴ Te toyba sitil soc te toyba-o'tanil, te snopojibal yu'un te mach'atic chopolic, ha mulil.

Bible in Tzeltal de Oxchuc y Tenejapa

⁴ Te mach'a stoyoj sba ta sit-yelaw soc te toyba-o'tan aye, ja' mulil ta spisil te bitic ya yaq'uic ta ilele.

Proverbios 21:4 Referans Kwoze

1 Pedro 5:5

Ha nix hichex, queremetic, ac'a abahic ta cuentahinel yu'un te ancianohetique. Ta apisilic, talel c'axel me xach'uhumbe aba amandaric, peq'uel me xawac' abahic, como hich ya yal: Dios ya scontrahin te jtoybahetic, pero ya sc'uxultay te mach'atic peq'uel yo'tanic, xchi.

Proverbios 6:17

ha te toyba ta sit, ya'iyel lot, te c'abaletic te ya smilic mach'a mayuc smul,

Isaías 2:17

Te stoybahil te ants-winic ya yich' pehc'anel, ya xpehc'anot te muc' scuyoj sbahic; ha nax stuquel te Jehová te ya xtohybot sc'oblal ta hich ora.

Proverbios 8:13

Te xi'el te Jehová, ha te sp'ajel te bin chopol; ya quihlay te toybahil soc te muc' ya scuy sba, te chopol be soc te chopol c'op.

Romanos 14:23

Yan te mach'a ya swe' aunque ya sna' te ma lecuc te hich ya spas, tey ya sta smul a, como ma ba ya spas soc sch'uhunel yo'tan; soc spisil te bintic ma ba talem ta scuenta sch'uhunel-o'tanil, ha mulil abi.

San Lucas 18:14

Ya calbeyex, te winic ini lec ay ta stojol Dios a suht bahel ta sna, ma ha'uc te yane, como mach'ayuc a te ya stoy sba, peq'uel ya x'ac'ot, yan te mach'a peq'uel ya yac' sba, ya xtohybot sc'oblal, xchi.

Isaías 3:16

Soc ha nix hich ya yal te Jehová: Te antsetic yu'un Sión stoyoj sbahic, stoyoj snuq'uic a ya xbehenic, ya xmonawan ta sitic, ya x'ahc'otajic ta behel, yac ta stijel sch'ahlel yoquic a.

Proverbios 21:27

Ihlaybil te milbil mahtanil ya yac' te mach'atic chopolic, c'ax to xan hich a teme chopol bin snopoj ta yo'tan a te ya yaq'ue.

Proverbios 15:8

Te Jehová ya yihlay te chic'bil mahtanil ya yaq'uic te mach'atic chopol yo'tanic, pero lec yo'tan yu'un te mach'atic toj yo'tanique.

Salmos 10:4

Te mach'a chopol yo'tan, ta scaj stoybahil ma ba ya sle te Diose; mayuc Dios ta spisil spensar.

Isaías 2:11

Ya xpehc'anot te stoybahil te sit te ants-winic, te stoybahil te ants-winic ya me yich' pehc'anel. Ha nax ya xtoybot sc'oblal te Jehová ta hich ora.

Proverbios 30:13

Ay mach'atic scuyoj sbahic ta muc' sc'oblalic, soc toyol yac'oj sbahic ta sitic ta yilel te yantique.

San Lucas 11:34

Te asit ha tsumbil c'ahc' yu'un te abaq'uetal. Teme lec te asite, spisil abaq'uetal nojel ta sacal q'uinal; yan teme ma lecuc te asite, spisil abaq'uetal ay ta yihc'al q'uinal.

Proverbios 24:20

como te mach'a chopol, ma ba lec ya xc'oht ta loq'uel, ya xtup' te stsumbil c'ahc' yu'un te mach'atic chopolic.

Job 18:5

Ya me xtup' te sacal q'uinal yu'un te mach'a chopol yo'tan, ma ba ya xtihlix te c'ahc' yu'une.

Job 18:6

Ya xtup' te c'ahc' ta snahilpac'; ya xtup' te sc'ahc' ta stojol.

Salmos 101:5

Ya jcom te mach'a muquen ya sle ta c'op te spat-xuhc; ma jc'an te mach'a jtoyba soc te muc' ya yac' sbahe.

Salmos 131:1

Jehová, ma ba ya stoy sba co'tan, ma ba toyba ya yac' sba te jsite; ma ba ay ta co'tan te bintic muc' sc'oblal, o te bintic c'ax toyol sc'oblal.

Proverbios 6:16

Ay waqueb te bin ya sp'aj te Jehová, huqueb te bin ya yihlay:

Isaías 10:12

Te c'alal pasbilix yu'un Jehová spisil te bin ya spas ta wits Sión soc ta Jerusalén, ya me ya'be castigo te ajwalil yu'un Asiria yu'un te toybahil ta yo'tan soc te stoybahil te site.