Proverbios 21:2 - Bible in Tzeltal Bachajón

² Spisil te behetic yu'un te winic ya scuy ta toj, pero te Jehová ya xna'bot yo'tan yu'un stuquel.

Bible in Tzeltal de Oxchuc y Tenejapa

² Te ants-winiquetic lequil be c'oem ta yo'tan spisil te bitic ya spase; ja'uc me to, te Cajwaltic ya sna'bey yo'tan stuquel.

Proverbios 21:2 Referans Kwoze

Proverbios 16:2

Spisil te behetic yu'un te ants-winiquetic lec c'ohem ta yo'tanic, pero te Jehová ya stsahtay te bin yu'un te hich ya spase.

Proverbios 16:25

Ay be te scuyoj te toj ya yil te winique, pero ya xc'oht ta loq'uel ta lajel.

San Lucas 16:15

Ha yu'un hich halbotic yu'un te Jesús: Yac awal abahic ta stojol ants-winiquetic te mayuc amulic te ha'exe, pero Dios ya sna'beyex awo'tanic stuquel; como te bin bayel sc'oblal yu'un winiquetic, ihlaybil yu'un te Diose.

Jeremías 17:10

Ho'on Jehovahon ya jtsahtay te o'tanil, soc ya jtsahtay te bin snopoj, yu'un ya ca'be stoj ta tuhlutuhl ha chican bin ya spasic, ha chican bin yilel sit te ya'tele, xchi te Jehová.

Proverbios 30:12

Ay mach'atic ya scuy sbahic te mayuc smulic, pero ma ba lecubtesbil yu'un te bin bohlobenic yu'une.

1 Samuel 16:7

Pero halbot yu'un Jehová te Samuel: Ma me ha'uc xawil te bin yilel o te bin yilel snahtil, como ch'aybil cu'un. Como te Jehová ma ha'uc ya yil te bin ya yil te ants-winic, como te ants-winic ha ya yil te bin chican ta sit, yan te Jehová ha ya yil te bin yilel te o'tanile, xchi.

Proverbios 24:12

Teme yac awal: Ma ba la jna'cotic, teme xchihate, ¿yu'un bal ma ba ya sna' te mach'a ya yil o'tanil? Te mach'a ya scanantaybat acuxlejal ya me sna', ya me ya'be stoj jujutuhl ha chican bin yilel te ya'tele.

Santiago 1:22

Pasahic te bin ya yal te sc'op Dios, ma ha'uc nax te yac awa'iyic, te hich yac alo'loy abahic a.

Salmos 36:2

Muc' scuyoj sba ta sit, yu'un ya scuy te ma xchicnaj te smul soc ma ba ya yich' ihlayel.

Gálatas 6:3

Teme ay mach'a muc' ya sp'is sba, te melel mayuc sc'oblal, ha nix ya slo'loy sba.

Proverbios 20:6

Ay tsobolic ya yal sbahic te lec yo'tanic; pero te winic te jun yo'tan ¿mach'a ya sta?

Apocalipsis 2:23

Ya cac' lajuc te yalatac, hich spisil te iglesiahetic ya me sna'ic te ho'on ya jtsahtay te snopojibal yu'unic soc te bin ay ta yo'tanic. Ho'on ya ca'beyex jujutuhl ha chican bin yilel te awa'telique.

Proverbios 12:15

Te mach'a ma sna' q'uinal, ya scuy ta toj te be yu'une, yan te mach'a p'ij yo'tan, ya sch'uhun te tojobtesele.

Job 31:6

¡Dios ac'a slicon ta stojil balanza, hich me ya sna' a te mayuc jmul!

Proverbios 17:3

Te plata ya xtsajot ta banti ya yich' uhltesel, te oro ya xtsajot ta horno, pero te Jehová ya stsaj te o'tanile.

Daniel 5:27

TEKEL: la awich' p'isbeyel awalal ta balanza, chicnaj te ya spas falta, xchi.