Proverbios 21:1 - Bible in Tzeltal Bachajón

¹ Te yo'tan te ajwalil hich ay te bin ut'il be-ha' ta sc'ab Jehová, ha ya stojobtes bahel chican bin ya sc'an yo'tan stuquel.

Bible in Tzeltal de Oxchuc y Tenejapa

¹ Ay ta sc'ab Cajwaltic te yo'tan te muc' ajwalile, jich me toj ya xbeen te bit'il muc'ja', jich te bit'il ya sc'an yo'tan te Cajwaltique.

Proverbios 21:1 Referans Kwoze

Proverbios 16:9

Te ants-winic ya snop ta yo'tan te bin ya spas, pero ya xtojobtesot yu'un Jehová banti ya xbehen.

Proverbios 20:24

Te Jehová ya stojobtes bahel te jujujihm yoc te ants-winique, ¿bin ut'il c'an sna' te winic te be yu'une?

Esdras 6:22

Huqueb c'ahc'al mero tse'el yo'tanic la spasic te Q'uin yu'un Pan te ma ba yich'oj levadura, como te Jehová la yac'ticlambe tse'el yo'tanic, soc la ya'beyix lecub yo'tan ta stojol te ajwalil yu'un Asiria yu'un ya scoltay ta a'tel ta scha'pasel te sna Dios, ha te Dios yu'un Israel.

Hechos 7:10

la scoltay ta spisil swocol, la ya'be sp'ijil yo'tan soc la yac' te lec yo'tan yu'un te faraón ajwalil yu'un Egipto, te la yotses ta gobernadoril yu'un Egipto soc ta scuentahinel spisil sna.

Proverbios 16:1

Ay ta scuenta ants-winiquetic te ya snopic bintic ya spasic, pero ay ta scuenta Jehová yalel teme ya xc'oht ta pasele.

Daniel 4:35

Te mach'atic nahinemic ta bahlumilal hich c'ohemic te mayuc sc'oblalic ta stojol; ha ya spas te bin ya sc'an yo'tan ta stojol tsobolic ta ch'ulchan soc te mach'atic nahinemic ta bahlumilal. Mayuc mach'a ya xhu' ya scombe sc'ab o te hich ya yalbe: ¿Bin yac apas? te xchihe.

Salmos 106:46

Ha la yac' te ya xc'uxultayotic yu'un spisil mach'atic chucotic yu'un.

Isaías 43:19

Ilawil, ay bin yach'il ya jpas, ora ya xloc' tal ta sacal q'uinal, ¿ma bal ana'ojic? Ya jam be ta jochol taquin q'uinal soc muc'ul-ha'etic ta jochol q'uinal.

Salmos 105:25

La syanijtesbe yo'tanic scuenta yu'un ya sp'ajic te pueblo yu'un, scuenta yu'un ya slo'loyic te a'batetic yu'une.

Nehemías 2:4

¿Bin yac ac'an? xchi te ajwalil. La jc'opon te Dios ta ch'ulchan,

Nehemías 1:11

Ya calbat wocol, Jehová, te yacuc awa'iybe sc'op te a'bat awu'un soc te sc'op te a'batetic awu'un, te mach'atic ya sc'an ya yich'ic ta muc' te abihile. Ac'a te lecuc ya xc'oht te a'bat awu'un, te lecuc ya xc'oht ta stojol te winic ini, xchihon. Ta hich ora ho'on jc'asesej-copahon yu'un te ajwalil.

Salmos 74:15

La ajam sloq'uib-ha' soc muc'ul-ha'etic, la awac' taquijuc te muc'ul-ha'etic te stalel ya x'oquinic.

Isaías 44:27

Ho'on me te ya calbe te sc'ubulil te mar: ¡Taquijan! ¡Ya jtaquijtes te be-ha'etic awu'un! xchihon.

Salmos 93:4

Te Jehová te ay ta toyol c'ax hich yip a te bin ut'il te sc'op bayel ha'etic, c'ax hich a te bin ut'il te tulan stselajan mar.

Apocalipsis 16:12

Te swaquebal ch'ul a'bat la smal te sbahl te copa yu'un ta muc'ul-ha' Éufrates, tup' ya'lel te muc'ul-ha' scuenta yu'un chapal ya xc'oht te be yu'un te ajwaliletic ya xtalic ta stojol banti ya xloc' tal c'ahc'al.

Apocalipsis 16:4

Te yoxebal ch'ul a'bat la smal te sbahl te copa yu'un ta muc'ul-ha'etic soc ta sloq'uib ha'etic, hich c'atp'ujic ta ch'ich'.

Salmos 114:5

Mar, ¿bin yu'un ahnat? Ha'at, Jordán, ¿bin yu'un te suhtat ta apat?

Salmos 114:3

Te mar ha la yil, hich loc' ta ahnel, te muc'ul-ha' Jordán suht ta spat.

Jeremías 39:12

Ic'a ta atojol soc canantaya, ma me ayuc bin chopol xapasbe, pasa te bin ya sc'ambat, xchi.

Éxodo 7:3

Pero ya jtulantesbe yo'tan te faraón, soc ya cac' p'ohluc señahetic soc jchahp a'teliletic cu'un ta sq'uinal Egipto.

2 Reyes 19:33

Te be ta banti tal, tey nix ya suht bahel a; ma ba ya x'och li' ta pueblo ini, xchi te Jehová.

Esdras 1:1

Ta shahchibal ha'bil yochel ta ajwalil te Ciro ajwalil yu'un Persia, scuenta yu'un ya xc'oht ta pasel te sc'op Jehová te la yal ta scuenta te Jeremías, te Jehová la stijbe yo'tan te Ciro ajwalil yu'un te persiahetic, te hich la yal soc hich la sts'ihbay ta carta ta stojol spisil ban c'alal smacoj ta ajwalil:

Esdras 1:2

Hich ya yal te Ciro ajwalil yu'un Persia: Te Jehová te Dios ta ch'ulchan, ya'beyejon ta jcuenta spisil ta ban c'alal smacoj te ajwaliletic ta bahlumilal; soc ha la yalbon mandar te ya jpasbe sna ta Jerusalén te ay ta sq'uinal Judá.

Nehemías 2:8

soc carta yu'un Asaf, te jcanan-tohyem te'etic yu'un te ajwalil, scuenta yu'un ya ya'bon te' yu'un ya jpas xan te puertahetic yu'un te sts'ahcul te Templo, te sts'ahcul te pueblo soc te na banti ya xnahinon, xchihon. Te ajwalil la ya'bon te bin la jc'ambe, como ay ta jtojol te sc'ab te Dios cu'une.

Ester 2:17

Te Asuero c'ax hich c'ux la ya'iy ta yo'tan a te Ester te bin ut'il te yantic antsetic, c'ax hich lec c'oht a ta stojol te ajwalil te bin ut'il spisil te yantic ach'ixetique. La ya'be ta sjol te scorona ajwalil, la ya'be sjelolin ta ajwalil-ants te Vasti.