Proverbios 20:7 - Bible in Tzeltal Bachajón

⁷ Te mach'a toj yo'tan mayuc bin ay ta scuenta, bayel yutsil te yal-snich'nab ta patil yu'un.

Bible in Tzeltal de Oxchuc y Tenejapa

⁷ Bin nax yutsilic te mach'atic jilemic ta q'uinal yu'un sme'-static te toj yo'tanic soc lec yo'tanic c'axic ta q'uinale.

Proverbios 20:7 Referans Kwoze

Salmos 112:2

Te sts'umbal ay me yipic ta q'uinal; ya me yich'ic bendición te jcaj ts'umbalil te toj yo'tanique.

Salmos 37:26

Spisil ora ya xc'uxultaywan soc ya yac' ta majanel, ha bendición ya xc'oht te snich'nabe.

Jeremías 32:39

Ya cac' te junax yo'tanic soc te jun te be yu'unic, scuenta yu'un spisil ora ya yich'onic ta muc', scuenta yu'un lec ya xc'ohtic soc te yal-snich'nabic ta patil.

2 Corintios 1:12

Hich ay te bin ya xtohy q'uinal ya ca'iycotic yu'un: Ha te ya yal te co'tancotic te smelelil soc ta scuenta jun-o'tanil te ya yac' te Dios hich a'tejotcotic ta bahlumilal, soc c'ax to xan hich a ta awohlilic. Ma hichuc la jpascotic ta scuenta sp'ijil ch'ich'-baq'uet, ha la jpascotic ta scuenta yutsil yo'tan te Diose.

Hechos 2:39

como te bin yaloj ta jamal te Diose, ha awu'unic soc ha yu'un te awal-anich'nabic soc spisil mach'atic namal ayic, ha te mach'atic ya x'ic'otic yu'un te Diose, xchi.

Proverbios 19:1

Ha lec xan te pobre te mayuc bin ay ta scuenta te bin ut'il te mach'a ma sna' q'uinal soc te chopol bin ya yale.

Proverbios 13:22

Te mach'a lec yo'tan ya yihquitaybe hilel smamatac te bin ay yu'un, yan te sc'ulejal te jmulawil, q'uejbil yu'un ha ya yich' te mach'a toj yo'tane.

Proverbios 14:2

Te mach'a toj ya xbehen, ya xi' te Jehová, yan te mach'a chopol sbe, ha ya sp'aj.

Salmos 15:2

Ha te mach'a jun ay te yo'tan soc te ya spas te bin toj, te melel bin ya yal te yo'tane;

Génesis 17:7

Ya jchahp jc'op soc ha'at soc ats'umbal ta cajalcaj bahel, ha chapbil-c'op te mayuc bin ora ya xlaj sc'oblal: te Ho'on Dioson awu'un soc yu'un jayeb ats'umbal ta patil bahel.

San Lucas 1:6

Schebalic toj yo'tanic ta stojol Dios, soc ts'acal sch'uhumbeyejic spisil smandar te Cajwaltique.

Salmos 26:1

Chahpanawon, Jehová, como toj te jcuxlejale; ma xyal xmohuc te smuc'ul co'tan ta stojol Jehová.

Isaías 33:15

Te mach'a toj ya xbehen soc te toj ya xc'opoj, te ya sp'aj te taq'uin yu'un uts'inwanej, te ma ba ya yich' taq'uin ta schonel sba, te ya smac schiquin yu'un ma ba ya ya'iy te ya xchapbot sc'oblal ta malel ch'ich', soc te ya smuts' sit scuenta yu'un ma ba ya yil te bin chopol,

Salmos 26:11

Yan te ho'one jun co'tan ya xbehenon; ac'awon ta libre soc c'uxultayawon.

Job 1:1

Ta sq'uinal Uz ay jtuhl winic Job sbihil, lec soc toj yo'tan ta winiquil, yich'oj ta muc' te Dios soc mayuc bin chopol ya spas.

Proverbios 14:26

Te xi'el te Jehová tey ay a te yip te muc'ul-o'tanil, soc ha ahnibal ya xc'oht yu'un te yal-snich'nab.