Proverbios 20:21 - Bible in Tzeltal Bachajón

²¹ Te bin ora nax ta tahel ta shahchibal, ma ha'uc bendición ya xc'oht ta loq'uel.

Bible in Tzeltal de Oxchuc y Tenejapa

²¹ Te bila ma wocoluc ya jtatic ta leele, ta slajibal ma'yuquix sbujts' co'tantic yu'un.

Proverbios 20:21 Referans Kwoze

Proverbios 13:22

Te mach'a lec yo'tan ya yihquitaybe hilel smamatac te bin ay yu'un, yan te sc'ulejal te jmulawil, q'uejbil yu'un ha ya yich' te mach'a toj yo'tane.

1 Timoteo 6:9

Yan te mach'atic ya sc'an ya xc'uhlejubic ya xyahlic ta sujel soc ta yaquil, soc ta banti bayel bintic chopol te ya sc'an yo'tanic soc te ya xjinawan, te ya yac' ochuc ta jinel soc ta ch'ayel te winiquetique.

Habacuc 2:6

¿Ma bal hichuc ya xhalot sc'oblal spisil te tsahbil-c'op soc te ixta'c'op ini? Hich ya yalic: ¡Obol sba te mach'a la sp'oltes te bin ma ha'uc yu'un! ¿Bin to ora ya xlaj yo'tan te ya xc'ulejub yu'un te bintic yich'oj scuenta prenda? xchihic.

Proverbios 28:22

Te mach'a ay st'ut'il ya suj sba ta slehel sc'ulejal, ma sna' te yac ta talel pobrehil ta stojol.

Proverbios 28:20

Te mach'a jun yo'tan ya me yich' bayel bendición, yan te mach'a ora nax ya sc'an ya xc'ulejub ya me yich' castigo.

Proverbios 28:8

Te mach'a ya stsob sc'ulejal ta scuenta sc'ambeyel bayel sjol te staq'uine, ha ya stsob yu'un te mach'a ya sna'be yo'bolil sba te pobrehetique.

Proverbios 23:4

Ma me xc'ax awocol ta slehel te ya xc'ulejubat: p'ijan me, coma aba.

Malaquías 2:2

Teme ma ba yac awa'iyic soc teme ma ba yac anop ta awo'tanic te yac awalbe yutsil sc'oblal te jbihil, xchi te Jehová te scuentahinej spisil, ya jticombeyex chopol c'oblalil ta atojolic, ya calbe ma lecuc sc'oblalic te bendicionetic awu'unique; calbeyejix te ma lecuc sc'oblalic como ma ba anopojic ta lec ta awo'tanic.

Zacarías 5:4

Ha la jticon bahel, xchi te Jehová te scuentahinej spisil, ha ya x'och ta sna te j'elec' soc ta sna te mach'a ay bin ya yal ta jamal ta lot ta scuenta jbihil; tey ya x'ayin ta sna soc pajal ya slajin soc te sts'amte'el soc te tonetic yu'une, xchi.

Proverbios 20:20

Te mach'a ya sbohlc'optay sme'stat, ya xtup'bot stsumbil c'ahc' ta yihc'al q'uinal.

Proverbios 20:22

Ma me hichuc xawal: Ya me ca'be spacol, ma me xchihucat; mahliya te Jehová, ha me ya scoltayat stuquel.

Proverbios 21:6

Stsobel c'ulejalil ta scuenta lo'loywanej, ha sahb ehal te ma xhalaj soc ha yaquil te ya xlajinwan.