Proverbios 2:9 - Bible in Tzeltal Bachajón

⁹ Hich me yac ana' te bin toj, te stojil chahpanel, soc te spisil pajal ya x'ich'ot ta cuenta, soc spisil lequil behetic.

Bible in Tzeltal de Oxchuc y Tenejapa

⁹ Jich me ya ana' te bila toj soc ya me ana' te bila yich'oj swentaile, soc ja'uc me ay ta awo'tan spasel te bila leque;

Proverbios 2:9 Referans Kwoze

Jeremías 6:16

Hich la yal te Jehová: Tehc'ana abahic ta behbetic soc ilawilic, joc'oyahic te namey behetic, ha te banti ay te lequil be. Tey me ya xbehenex a, hich ya sta cux-o'tanil a te ach'uhlelic, xchi. Pero hich la yalic: Ma ba ya xbehenotic tey a, xchihic.

Isaías 48:17

Hich yaloj te Jehová, te J'ac'aw ta libre awu'un, te Ch'ul Dios yu'un te Israel: Ho'on Jehovahon, te Dioson awu'un, te ya ca'bat anop te bin lec ya xc'ohat yu'un, te ya jtojobtesat ta be te banti ya sc'an yac at'un bahele.

San Juan 14:6

La yal te Jesús: Ho'on te behon, ho'on te smelelil-c'opon, soc ho'on te cuxlejalon; mayuc mach'a ya xtal ta stojol te Tatil teme ma ha'ucon ta jcuenta.

Salmos 119:99

C'ax hich ya jna' a te bin ut'il spisil te jnohpteswanejetic cu'un, como ya jna'ulan te testigo-c'op awu'une.

Salmos 32:8

Ya ca'bat ana' soc ya ca'bat awil te be te banti ya sc'an ya xbehenat; ya cac' jsit ta atojol.

Isaías 35:8

Soc ay me muc'ul be tey a, ha Ch'ul Be ya xc'oht te sbihile. Ma ba ya xc'ax jtuhluc tey a te bohloben sc'oblal, ha nax te mach'atic st'unojic te behe, ma ba ya xbehenic tey a te mach'atic ma sna'ic q'uinal.

Salmos 119:105

Ha tsumbil c'ahc' yu'un coc te ac'ope, ha ya sacubtes te be cu'une.

Proverbios 4:18

Te be yu'un te mach'atic toj yo'tanic hich ay te bin ut'il ya xhahch ta sacubel te q'uinal, te behbe ya sacub ha to c'alal ts'acal sacubix te q'uinale.

Proverbios 8:20

Ya xbehenon ta toj be, ta sbehlal te bin toj ta pasel,

Proverbios 28:5

Te mach'atic chopol yo'tanic, ma xc'oht ta yo'tanic stojil chahpanel, yan te mach'atic ya slehic te Jehová ya xc'oht ta yo'tanic spisil.

Salmos 25:12

¿Mach'a a te winic te ya yich' ta muc' te Jehová? Ha ya x'a'bot sna' yu'un te be te ya sc'an ya stsahe.

Proverbios 4:12

Te c'alal ya xbehenat mayuc bin ya smacbat awoc; teme ya x'ahnimajat ma ba yac ac'ohchin awoc.