Proverbios 2:6 - Bible in Tzeltal Bachajón

⁶ Como Jehová ya yac' te p'ijil-o'tanil, soc ya xloc' tal ta ye te p'ijil-o'tanil soc te bin ay ta na'el.

Bible in Tzeltal de Oxchuc y Tenejapa

⁶ Melel ja' Cajwaltic te ya yac' te p'ijil-o'tanil, p'ijil c'op soc te p'ijil jolole, ja' ya xloc' tel ta ye stuquel.

Proverbios 2:6 Referans Kwoze

Santiago 1:5

Teme ay mach'a mayuc sp'ijil yo'tan, ac'a sc'ambe Dios, ma p'isbiluc nax ya yac' stuquel soc mayuc mach'a ya sp'aj, ya me x'a'bot yu'un.

Salmos 119:98

Te mandariletic awu'un la yaq'uic te c'ax hich ay sp'ijil co'tan a te bin ut'il te jcontratac, como spisil ora sjoquinejonic.

Job 32:8

Pero ha espíritu yich'oj te winique soc hu'xiyel yu'un te Mach'a spisil ya xhu' yu'un te ya ya'be sna' q'uinal te winique.

San Lucas 21:15

como ho'on ya ca'beyex sp'ijil awo'tanic ta c'op, te ma xhu' yu'un ya scomex soc te ya scontrac'optayex spisil te acontrataque.

Isaías 54:13

Spisil te awal-anich'nabic ya yich'ic nohptesel yu'un te Jehová, soc ya xp'ohl te lamal quinal ya ya'iyic te awal-anich'nabique.

San Juan 6:45

Hich ts'ihbabil yu'un te jalwanejetic: Spisilic ya me xp'ijubtesotic yu'un Dios, xchihic. Ha yu'un spisil te mach'atic ya ya'iyic te Tatil soc te ya yich'ic p'ijubtesel yu'une, ya me xtalic ta jtojol.

1 Reyes 3:12

ha yu'un ya jpasbat te bin la ac'ambone. Ya ca'bat sp'ijil awo'tan soc sna'el stsahtayel. Mayuc hich yich'ojic te mach'atic nahil awu'un soc te mach'a patil awu'un te bin ut'il te ha'ate.

Santiago 1:17

Spisil te bin lec a'bibilotic soc spisil lequil mahtanil talem ta toyol, ta stojol te Tatil yu'un sacal q'uinal, te ma xyanij hich te bin ut'il axinal.

Salmos 119:104

Ta scuenta te mandariletic awu'un la jta sp'ijil co'tan; ha yu'un te ya quihlay spisil te sbehlal lot.

Daniel 2:23

Ha'at Diosat yu'un te jme'jtat, ya calbat wocol soc ya calbat yutsil ac'oblal, como la awa'bon sp'ijil co'tan soc quip, yo'tic la awa'bonix jna' te bin la jc'ambatcotic, la awa'botcotic jna'cotic te swayich te ajwalile, xchi.

Daniel 1:17

Ta schanebalic te queremetic Dios la ya'be snopojibal soc te ya xhu' yu'unic sna'el spisil te hunetic soc bintic ay ta na'el. Te Daniel la sna' yalbeyel sc'oblal spisil ta chahp nahalsitil soc wayichiletic.

Isaías 8:20

¡Ac'a bahtuquic ta stojol te ley soc te testigo-c'op! Teme ma hichuc ya xc'opojic, ha ta scaj te ma ba sacuben q'uinal yu'unique.

1 Reyes 4:29

Dios la ya'be bayel sp'ijil te Salomón soc bayel snopojibal yu'un, soc te c'ax bayel bintic ya sna' hich yipal te bin ut'il hi' ay ta ti'mar.

Daniel 2:21

Ha ya syanijtes te tiempohetic soc te ha'biletic; ya sloq'ues soc ya yotses ajwaliletic, ya ya'be sp'ijil yo'tan te mach'atic ay sp'ijilic, ya ya'be sna'ojibal te mach'atic ay bintic sna'ojique.

Proverbios 6:23

Como ha tsumbil c'ahc' te mandariletic, ha sacal q'uinal te jnohptesel, soc ha sbehlal cuxlejal te tojobteseletic,

Salmos 19:7

Mero lec te ley yu'un Jehová, ya x'ach'ub cuxlejalil yu'un. Te testigo-c'op yu'un Jehová ha smelelil: ya ya'be sp'ijil te mach'a mayuc bin ya sna'.

1 Reyes 3:9

A'beya sp'ijil yo'tan te a'bat awu'un scuenta schahpanel te pueblo awu'un soc ta stsahtayel te bin lec soc te bin ma lecuque. Como ¿mach'a ya xhu' yu'un scuentahimbel te muc'ul pueblo awu'un ini? xchi.

Éxodo 31:3

soc la jnojesbe ta yo'tan te Espíritu yu'un Dios, soc sp'ijil yo'tan, snopojibal, sna'el bin ay ta na'el, soc sna'el spasel bintic t'ujbil,

1 Crónicas 22:12

Te Jehová ac'a ya'bat snopojibal soc sna'ojibal awu'un, scuenta yu'un te c'alal ya x'ochat ta ajwalil ta Israel yac ach'uhun te mandariletic yu'un Jehová te Dios awu'une.

Nehemías 7:5

Dios la ya'bon ta co'tan te ya stsob sbahic te mach'atic ich'bilic ta muc', te mach'atic ay ya'telic, soc te pueblo, scuenta yu'un ya yich'ic ts'ihbayel sbihilic ta chahpalchahp sts'umbalic. La jta te libro te banti ts'ihbabil te chahpalchahp sts'umbalic te mach'atic nahil hulic tal, hich la jta te bin ts'ihbabil tey a:

Job 22:22

Ich'a te nohptesel te yac yalbele, ac'a ta awo'tan te sc'ope.

Salmos 51:6

Ha'at yac ac'an te bin melel ay ta o'tanil; ta yutil co'tan la awa'bon jna' p'ijil-o'tanil.

Eclesiastés 2:26

Como Dios ya ya'be sp'ijil yo'tan, sna'ojibal soc yutsil q'uinal ya'iy te mach'a lec ta site; yan te jmulawil ya ya'be ya'tel ta stsobel soc ta sbusanel c'ulejalil yu'un ya ya'be hilel te mach'a lec ta o'tanil yu'un Dios. Ha nix hich tojol nax soc ha snutsel te iq'ue.

1 Reyes 10:24

Spisil te ants-winiquetic ta bahlumilal yo'tanuc ya yilic te Salomón yu'un ya ya'iybeyic te sp'ijil te a'bot yu'un Dios.

Esdras 7:25

Soc ha'at, Esdras, hich te bin ut'il te ay sp'ijil awo'tan te ya'beyejat te Dios awu'une, otsesa juecetic soc gobernadoretic te ya scuentahinic spisil te pueblo te ay ta jehch muc'ul-ha' Éufrates, ha spisilic te sna'ojic te leyetic yu'un te Dios awu'une. Te mach'atic ma sna'ic, a'beya snopic.

Job 12:13

Ha yu'un Dios te p'ijil-o'tanil soc te yu'el, ha yu'un te j'ac'-o'tanil soc te bintic ay ta na'el.

Job 12:16

Ha yu'un te yu'el soc p'ijil-o'tanil; ha nix scuentahinej te mach'a lo'loybil soc te jlo'loywanej.

Salmos 19:8

Te mandariletic yu'un Jehová toj ayic stuquel, ya yac' tse'ejinuc o'tanil. Te smandar Jehová mayuc bin capal soc: ya yac' sacubuc q'uinal ta sit.

Salmos 94:10

Te mach'a ya ya'be castigo te nacionetic ¿ma bal yacuc ya'be castigo? ¿Yu'un bal ma sna' te mach'a ya sp'ijubtes te ants-winique?

Salmos 119:34

Ac'a c'ohtuc ta co'tan, hich ya jch'uhun spasel te ley awu'un, ya jc'ohtes ta pasel ta spisil co'tan.