Proverbios 2:22 - Bible in Tzeltal Bachajón

²² Yan te mach'atic chopolic ya me yich'ic loq'uesel ta q'uinal, soc ya me yich'ic bulel loq'uel te jchebal-o'tanetique.

Bible in Tzeltal de Oxchuc y Tenejapa

²² yan te mach'atic amen yo'tanic soc te jchebal-o'tanetic, ya me yich'ic bulel loq'uel ta q'uinal, soc ya me yich'ic ch'ojel loq'uel ta q'uinal stuquelic.

Proverbios 2:22 Referans Kwoze

Salmos 52:5

Dios me ya slajinat sbahtel q'uinal, ya stsacat soc ya sch'ojat loq'uel ta ana; ya sbulat loq'uel ta q'uinal yu'un mach'atic cuxulic. Selah

Salmos 37:28

como te Jehová c'ux ta yo'tan te bin stojil ta pasel, soc ma ba ya spihtes te mach'atic jun yo'tanic ta stojol. Spisil ora ya yich'ic canantayel, yan te sts'umbal te mach'atic chopol yo'tanic ya yich'ic lajinel.

Deuteronomio 7:22

Te Jehová c'unc'un ya sloq'ues bahel ta atojol te nacionetic, ma xhu' awu'un slajinel spisilic ta ora nax, scuenta yu'un ma ba bayel ya x'esmaj ta atojol a te jti'awal chambahlametic te ya scontrahinat.

Proverbios 10:30

Te mach'a toj yo'tan mayuc bin ora ya yich' loq'uesel, yan te mach'atic chopol yo'tanic, ma xnahinic ta q'uinal.

Salmos 145:20

Te Jehová ya scanantay spisil te mach'atic c'ux ya x'a'iyot yu'unic, pero ya sjinticlan spisil te mach'atic chopolique.

Salmos 104:35

Ac'a lajuc ta bahlumilal te jmulawiletic, ac'a ch'ayuc te mach'a chopolique. ¡Jch'uhlel, halbeya yutsil sc'oblal te Jehová! ¡Aleluya!

Job 21:30

ha te mach'a chopol yo'tan mayuc bin ya xc'oht ta stojol ta yorahil jinel, te ha canantaybil ta yorahil ilimba?

Salmos 37:22

Te mach'atic ya x'a'botic bendición yu'un Jehová, ya me yich'ic hilel te q'uinale, yan te mach'atic bohloben sc'oblalic yu'un, ya me xlajic stuquelic.

Salmos 37:20

Yan te mach'atic chopol yo'tanic ya me xlajic; te scontratac te Jehová ya me yich'ic lajinel, hich te bin ut'il sjuhp'el tentsunetic, ya me xch'ayic bahel hich te bin ut'il ch'ahil.

Deuteronomio 29:28

Te Jehová, la sbul loq'uel ta sq'uinalic ta scuenta yilimba, sc'ahc'al yo'tan soc smuc'ul yilimba; la sch'ojticlan bahel ta yan q'uinal, hich te bin ut'il ay ta ora ini, xchihic sc'oblalic.

Proverbios 11:3

Te mach'atic toj yo'tanic ya xtojobtesotic yu'un te lec stalelic, pero ya xlajinotic yu'un schopolil te mach'atic chopolic.

Deuteronomio 29:20

Te Jehová ma ba ya spasbe perdón, ya me xtihl yilimba Jehová soc xut'et yo'tan ta stojol, ya xc'oht ta stojol spisil te bintic chopol halbilix sc'oblal ta hun ini, soc te Jehová ya me stup'be sbihil ta ye'tal ch'ulchan.

1 Reyes 14:14

Te Jehová ya me yotses jtuhl ajwalil ta Israel te ya slajimbe te sts'umbal Jeroboam yo'tic. Ya me spas ta ora.

1 Crónicas 10:13

Hich laj te Saúl ta scaj te ma ba jun yo'tan ta stojol Jehová, ma ba la scanantaybe sc'op te Jehová soc baht sjoc'obe jtuhl jna'ojel ants,

Salmos 52:7

Ha te mach'a ma ha'uc ahnibal c'ohem yu'un te Diose, te ha la smuc'ulin yo'tan te bayel sc'ulejal, soc te la yich' yip ta bin chopol, xchihic.