Proverbios 2:21 - Bible in Tzeltal Bachajón

²¹ Como te mach'atic toj yo'tanic ya me xnahinic ta q'uinal, ya me xhalajic tey a te mach'atic jun yo'tanic.

Bible in Tzeltal de Oxchuc y Tenejapa

²¹ Melel te mach'atic toj ya yac' sbaic soc te lec yat'elique, ya me xjalajic ta q'uinal stuquelic;

Proverbios 2:21 Referans Kwoze

Salmos 37:29

Te mach'atic toj yo'tanic ya me yich'ic hilel te q'uinale, sbahtel q'uinal ya xnahinic tey a.

Salmos 37:9

Como te mach'atic chopolic ya me yich'ic loq'uesel ta q'uinal, yan te mach'atic ha ya smuc'ulin yo'tanic te Jehová, ya me x'a'bot yich'ic hilel te q'uinale.

Proverbios 10:30

Te mach'a toj yo'tan mayuc bin ora ya yich' loq'uesel, yan te mach'atic chopol yo'tanic, ma xnahinic ta q'uinal.

Salmos 84:11

Como ha c'ahc'al soc mahquilal te Jehová Dios; ha ya yac' yutsil-o'tanil soc utsilal. Ma ba ya sloq'uesbe te bin lec te mach'atic mayuc bin smulinejic.

Job 42:12

Te Jehová c'ax hich la ya'be bendición a te Job te bin ut'il ay ta nahil to. Ay jpic soc ho'lajunbahc' (14,000) tuminchijetic, ho'lajunbahc' (6,000) camellohetic, lajunwinic yoxbahc' (1,000) ta chahp j'a'tel-wacaxetic, soc lajunwinic yoxbahc' (1,000) me' burrahetic.

Salmos 37:22

Te mach'atic ya x'a'botic bendición yu'un Jehová, ya me yich'ic hilel te q'uinale, yan te mach'atic bohloben sc'oblalic yu'un, ya me xlajic stuquelic.

Salmos 37:11

Yan te mach'atic manso yo'tanic ya me yich'ic hilel te q'uinal soc ya me smulanic bayel lamal q'uinal.

Salmos 37:3

Ac'a smuc'ulin awo'tan te Jehová soc pasa te bin leque; hich ya x'ayinat ta q'uinal soc yac amulan te bin smelelile.

Job 1:1

Ta sq'uinal Uz ay jtuhl winic Job sbihil, lec soc toj yo'tan ta winiquil, yich'oj ta muc' te Dios soc mayuc bin chopol ya spas.

Proverbios 28:10

Te mach'a ya yic' bahel ta chopol be te mach'atic toj yo'tanic, tey nix ya xyahl a ta syac spasoj, yan te mach'atic mayuc smulic ya me x'a'bot yich'ic te bintic leque.

Salmos 37:18

Te Jehová ya sna'be te c'ahc'aletic yu'un te mach'atic lec yo'tanic, soc te bin ya x'a'bot yich'ic hilel sbahtel q'uinal ay.