Proverbios 2:2 - Bible in Tzeltal Bachajón

² teme yac awa'iy te p'ijil-o'tanil soc teme yac awac' awo'tan ta sna'beyel scuentahil,

Bible in Tzeltal de Oxchuc y Tenejapa

² Ac'a me achiquin a te p'ijil c'ope; ac'a me ta ajol soc awo'tan sna'el stuuntesel.

Proverbios 2:2 Referans Kwoze

Proverbios 23:12

Ac'a awo'tan ta nohptesel soc ac'a achiquin ta p'ijil c'opetic.

Proverbios 18:1

Te mach'a t'ut' ha nax ya sle te bin ya sc'an yo'tan stuquel, soc ya scontrahin spisil lequil tojobtesel.

Salmos 90:12

Nohptesawotcotic ta yahtayel te jujun c'ahc'al ya xc'ax cu'uncotic, scuenta yu'un ya sta sp'ijil a te co'tancotic a.

San Mateo 13:9

Te mach'a ay schiquin, ac'a me ya'iy, xchi.

Isaías 55:3

Jama achiquin, la'ic ta jtojol; a'iya awa'iyic yu'un hich ya xcuxaj ach'uhlelic a. Ya jpas chapbil c'op ta atojolic te sbahtel q'uinal ay, ha te sc'uxul co'tan ta stojol David te stalel ay.

Eclesiastés 8:16

Hich la jcac' co'tan ta sna'el te p'ijil-o'tanil soc ta stsahtayel te bintic yac ta pasel ta bahlumilal, (yu'un ay mach'a ma ba ya xway c'ahc'al ahc'abal);

Eclesiastés 8:9

Spisil la jquil ini te c'alal la jcac' co'tan ta sna'el bintic ay ta pasel ta ye'tal ch'ulchan, te c'alal jtuhl winic ya smosohin yan winic yu'un ya ya'be swocol.

Eclesiastés 7:25

Ha yu'un la jcac' co'tan ta sna'beyel scuentahil, ta stsahtayel soc ta slehel te p'ijil-o'tanil soc te bin ut'il ay spisil, soc ta sna'beyel schopolil te sonsohil soc te ya xhowiyteswan te sohquejolalile.

Hechos 17:11

Te mach'atic ayic ta Berea ha lec xan stalelic a te bin ut'il te mach'atic ayic ta Tesalónica, yu'un spisil yo'tanic la sch'uhunic te sc'op Diose. Jujun c'ahc'al la yo'tantayic yilel te bin ts'ihbabil ta Shun Dios teme hich nix ya yal a.

Proverbios 2:3

teme yac awawtay te bin ay ta na'el soc tulan ya xc'opojat yu'un te yac ana'be scuentahil;

Proverbios 4:1

Jnich'nab, a'iya me awa'iy te nohptesel yu'un jtuhl tatil; a'iya me awa'iyic ta lec scuenta yu'un yac atahic bin ay ta na'el.

Proverbios 4:20

Jnich'an, a'iya awa'iy ta lec te c'opetic cu'un; a'iya awa'iy bintic ya cal.

Proverbios 6:32

Soc te mach'a ya ya'iy antsiwej, mayuc snopojibal yu'un; te mach'a hich ya spas ha nix ya sjin sba.