Proverbios 2:19 - Bible in Tzeltal Bachajón

¹⁹ Te mach'atic ya xbahtic banti ay, ma ba ya suhtiquix tal, ma ba ya st'uniquix te behetic yu'un cuxlejal.

Bible in Tzeltal de Oxchuc y Tenejapa

¹⁹ te mach'atic ya x'ochic bael ta sna, ma ba ya sujt'iquix tel, jc'axel ma'yuquix bi ora ya yantayic te sbelal cuxlejale.

Proverbios 2:19 Referans Kwoze

Eclesiastés 7:26

La jta te bin c'ax hich sch'ahal a te bin ut'il te lajele: ha te ants te ha yaquil soc ya xchucawan te yo'tan, soc te ha cadenahetic te sc'abe. Te mach'a tse'el yo'tan Dios yu'un, ma ba ya x'och ta sc'ab stuquel, yan te jmulawil ya me xchucot yu'un.

Salmos 81:12

Ha yu'un la jquihquitay yu'un ya spasic te bin la sc'an yo'tanic, yu'un ya st'unic te snopojibal yu'unique.

Oseas 4:14

Ma ba ya ca'be castigo te awantsil-nich'nabic te c'alal ya yac' sbahic ta antsinel, o te awalibic te c'alal ya xwayic soc yan winiquetic; como ha nix te winiquetic ya xbahtic soc j'antsinel antsetic, soc ya yaq'uic chic'bil mahtaniletic soc chopol antsetic. Ha yu'un ya xyahl te pueblo te mayuc snopojibal yu'unique.

Hebreos 6:18

Ha yu'un ta scuenta te cheb ini te ma xyanij sc'oblal, te ma xhu' ya spas lot yu'un te Diose, te ho'otic te jnohpojemotic bahel ta stojol ay bayel yip co'tantic te ya cu'untaytic te smuc'ul-o'tanil te ay ta jtojoltique.

Jeremías 13:23

¿Ya bal xhu' ya sjeltay snuhculel te etíope-winic soc ya bal xhu' ya sjeltay spintohil te c'an bahlam choj? Ha nix hich ¿ya bal xhu' yac apasic te bin lec, te bin ut'il c'ahyemex ta spasel te bin chopol?

Proverbios 4:18

Te be yu'un te mach'atic toj yo'tanic hich ay te bin ut'il ya xhahch ta sacubel te q'uinal, te behbe ya sacub ha to c'alal ts'acal sacubix te q'uinale.

Salmos 16:11

Yac awa'bon quil te sbehlal cuxlejal; ay bayel tse'el-o'tanil ta atojol, ta awa'el ay bintic mulantic sba sbahtel q'uinal. Te bin la yal David ta sc'oponel Dios.

Proverbios 5:6

Ma xyich' ta cuenta te sbehlal cuxlejal; ma ba sna'oj te ma ba jun ay te be yu'une.

Proverbios 5:11

Soc ta slajibal acuxlejal ya x'ahcanajat, te c'alal ya xlaj yip abaq'uetal,

Proverbios 6:32

Soc te mach'a ya ya'iy antsiwej, mayuc snopojibal yu'un; te mach'a hich ya spas ha nix ya sjin sba.