Proverbios 2:12 - Bible in Tzeltal Bachajón

¹² yu'un ya yac'at ta libre yu'un te chopol be, ta stojol winiquetic te chopol sc'opic,

Bible in Tzeltal de Oxchuc y Tenejapa

¹² ja'ic me te ya yac'at ta libre te ma stsalat te be te amene, soc ja'ic me ya yac'at ta libre ta sc'abic te mach'atic j'ixta-o'tanetique,

Proverbios 2:12 Referans Kwoze

1 Corintios 15:33

Ma me xhowiyex; yu'un ay hich ya yich' halel: Te mach'atic chopolic te ya sjoquinotic, ha ya sjimbotic te lequil costumbrehetic cu'untic, xchi.

Proverbios 13:20

Te mach'a ya sjoquin te mach'atic p'ij yo'tanic, ha nix hich p'ij ya xc'oht, yan te mach'a ya sjoquin te mach'atic ma sna'ic q'uinal, ya me sta swocol.

Proverbios 8:13

Te xi'el te Jehová, ha te sp'ajel te bin chopol; ya quihlay te toybahil soc te muc' ya scuy sba, te chopol be soc te chopol c'op.

2 Corintios 6:17

Ha yu'un loc'anic tal ta yohlilic, parte me xawac' abahic, xchi te Cajwaltique. Ma me xapiquic te bin bohloben sc'oblal, hich ya quiq'uex ta jtojol a.

Hechos 20:30

Soc ya me xchicnaj ta awohlilic winiquetic te ya yaq'uic ta nopel lotil c'opetic yu'un ya xt'unotic yu'un te jnopojeletique.

Proverbios 9:6

Ihquitaya asonsohilic, hich me ya xcuxajex a; behenanic ta sbehlal te bintic ay ta na'el, xchi.

Proverbios 3:32

Como Jehová ya yihlay te mach'a chopol yo'tan, pero jun yo'tan sba soc te mach'atic toj yo'tan.

Salmos 141:4

Ma me xawac' te ya sc'an co'tante bin chopol, scuenta yu'un ya jpas te bin chopol soc te mach'atic ya spasic mulil; ma me xawac' te ya jwe' te we'elil te ya smulanique.

Salmos 101:4

Namal ya xhil ta jtojol te bin chopol ay ta nopel; ma ba ya jpas te bin chopole.

Proverbios 6:12

Te mach'a chopol yo'tan, te j'ixta'-o'tan, bayuc nax ya xbehen ta yalel bohlc'op;

Proverbios 10:32

Te ye te mach'a toj yo'tan, ya sna' te bin lec ta halele, yan te ye te mach'atic chopol yo'tanic, ya yal bohl c'opetic.

Proverbios 23:33

Ay bintic jchahp yac awilticlan ta asit, soc ay bin chopol ya yal te awo'tane.

Proverbios 28:26

Ha sonso te mach'a ya smuc'ulin sba yo'tan, yan te mach'a ya xbehen ta sbehlal p'ijil-o'tanil libre ya xc'oht yu'un.