Proverbios 2:10 - Bible in Tzeltal Bachajón

¹⁰ Como ya x'och ta awo'tan te p'ijil-o'tanil, soc lec ya ya'iy ach'uhlel te bin ay ta na'el.

Bible in Tzeltal de Oxchuc y Tenejapa

¹⁰ melel ta ajol ya me awich' te ap'ijile, ya me awaiybey xchi'il ta awo'tan c'oem.

Proverbios 2:10 Referans Kwoze

Jeremías 15:16

La yich' tahel te ac'ope, ho'on la jwe'; ha stse'elil co'tan c'oht te ac'ope soc ha yutsil co'tan c'oht, como quich'ojbat abihil, Jehová, Diosat te acuentahinej spisil.

Colosenses 3:16

Ac'a nahinuc bayel te sc'op te Cristo ta awo'tanic. Ta scuenta p'ijil-o'tanil talel c'axel me xanohptes abahic soc xatsits abahic. Soc bayeluc yutsil awo'tanic xac'ayojtayic te Cajwaltic ta scuenta salmohetic, c'ayojetic yu'un Dios soc ch'ul c'ayojetic.

Job 23:12

Mayuc bin ora la jquihquitay jba ta stojol te mandariletic te yaloje, la jq'uej ta co'tan te bintic yaloj.

Salmos 119:162

Ya stse'ejin co'tan yu'un te ac'op awaloj, hich te bin ut'il mach'a ya sta bayel bintic pojticlambil.

Salmos 104:34

Te ayuc bin ut'il lec yo'tan yu'un te bin ya jnopilan ta co'tan; tse'el co'tan ta stojol te Jehová.

Salmos 19:10

C'ax hich mulambil a te bin ut'il oro, c'ax hich a te bin ut'il bayel lequil oro; c'ax hich schi'il a te bin ut'il chab, ha te chab te ya x'oquin loq'uel ta schabec'al.

Salmos 119:111

Te testigo-c'op awu'un ha te bin a'boton quich' scuenta sbahtel q'uinal; ha ya stse'ejin co'tan yu'un.

Proverbios 14:33

Te p'ijil-o'tanil ya x'ayin ta yo'tan te mach'a ya sna' q'uinal, yan te mach'atic ma sna'ic q'uinal, ma sna'beyic sba.

Salmos 119:103

¡C'ax chi' ya ca'iy te ac'ope, c'ax hich schi'il ta que a te bin ut'il chab!

Salmos 119:97

¡Mero c'ux ta co'tan te ley awu'un! Sjunal c'ahc'al ya jna'ulan.

Proverbios 1:4

scuenta ya'beyel sp'ijil yo'tanic te mach'atic mayuc bin ya sna'ic, soc ya'beyel sna'ojibal soc yu'un ya sna' stsahtayel sbahic te queremetique.

Proverbios 22:18

como yac amulan teme yac aq'uej ta awo'tan soc teme pajal yac awal ta awe.

Proverbios 4:6

Ma me xawihquitay te p'ijil-o'tanil, ha ya scanantayat; c'uxuc me ta awo'tan, ya me scanantayat.