Proverbios 19:7 - Bible in Tzeltal Bachajón

⁷ Te mach'a pobre, teme ya x'ihlayot yu'un spisil yermanotac, ¡c'ax to xan hich ya x'ihquitayot yu'un te yamigotaque! ya sle soc sc'op pero ma sta ta lehel.

Bible in Tzeltal de Oxchuc y Tenejapa

⁷ Te mach'a me'ba, ya x'ilayot yu'un te yermanotac; ¿ja'uc to balix a te spat-xujc'? Jc'axel ya x'ijq'uitayot yu'un.

Proverbios 19:7 Referans Kwoze

Proverbios 19:4

Te c'ulejalil ya yic' tal tsobol yamigotac, yan te pobre ya x'ihquitayot yu'un te yamigo.

Proverbios 21:13

Te mach'a ma xya'iybe yaw te pobre, ha nix hich ma x'a'iybot te c'alal ya x'awone.

Proverbios 18:23

Te pobre xbic'talti'ij ya xc'opoj, yan te jc'ulej tulan ya sut te c'ope.

Salmos 38:11

Te camigotac soc te jmohloltac namal yac'oj sbahic ta jtojol yu'un te c'a'el cu'une, soc namal yac'oj sbahic te jpat-xuhque.

Santiago 2:6

Pero ha'ex la ap'ajic te pobre. ¿Ma bal ha'uc te jc'uhlejetic te ya yuts'inex, soc ma bal ha'uc te ya sjochex bahel ta stojol te chahpajibal?

Proverbios 14:20

Te pobre ya x'ihlayot yu'un spat-xuhc, pero ay tsobolic te c'ux ya ya'iy ta yo'tanic te jc'uleje.

Salmos 88:18

La awac' namijuc ta jtojol te mach'a c'ux ta co'tan soc te mach'a jun co'tan jba soc, ha xanix jun co'tan jba soc te yihc'al q'uinale.

Salmos 88:8

La awac' spihteson te mach'atic jun co'tan jba soc; la awac' te la yihlayonic; macbilon, ma xhu' ya xloc'on ta ahnel.

Proverbios 10:15

Te c'ulejalil yu'un te jc'ulej, ha pueblo yu'un te joybil ta ts'ahc; te jinel yu'un te pobrehetic, ha te spobrehile.

Salmos 38:12

Te mach'atic ya sc'an ya smilonic ya schahpambonic jyacol, te mach'atic ya sc'an ya yuts'inonic ya yalbonic jc'oblal ta jinel, soc sjunal c'ahc'al ya schahpanic jlo'loyel.

Proverbios 27:10

Ma me xapihtes aba soc awamigo o te yamigo te atate; soc ma me xbahat ta sna awermano te bin ora ay awocol, ha lec xan te apat-axuhc te nopol ay te bin ut'il awermano te namal aye.