Proverbios 19:23 - Bible in Tzeltal Bachajón

²³ Te xi'el te Jehová ya yac' cuxlejal: te mach'a hich yo'tan, ma ba ya xtahot yu'un te bin chopole.

Bible in Tzeltal de Oxchuc y Tenejapa

²³ Te mach'a ya yich' ta muc' te Cajwaltique, ja' me xcuxlejal; bin nax me yo'tan soc ma'yuc bi ya xc'ax swocol yu'un.

Proverbios 19:23 Referans Kwoze

San Mateo 5:6

Bayel me yutsilic te mach'atic ya xwi'najic soc ya xtaquij yo'tanic yu'un te bin stojil ta pasele, como ts'acal ya x'a'botic.

Proverbios 12:21

Ma xc'ax swocol ta stojol te mach'a toj yo'tan, yan te mach'atic chopol yo'tanic, ya x'a'bot bayel swocolic.

Salmos 90:14

Nojesawotcotic ta sc'uxul awo'tan ta sab, scuenta yu'un tse'el co'tancotic ya xc'ayojinotcotic te jayeb c'ahc'al cuxulotcotique.

1 Timoteo 4:8

aunque ay stuc te slecubtesel baq'uet, ha bayel xan stuc te slecubtesel o'tanil, yu'un ay bin ya jtahtic yu'un ta cuxlejal ini soc ta patil te ya xtale.

Proverbios 10:27

Te xi'el te Jehová, ya xnahtij cuxlejalil yu'un, pero ya xpehc'ambot ya'bilalic te mach'atic chopol yo'tanic.

Salmos 103:17

Yan te sc'uxul yo'tan Jehová sbahtel q'uinal ay ta stojol te mach'atic ya yich'ic ta muc', soc stojil bin ya spas ta stojol te cajalcaj yal-snich'nabic,

Salmos 85:9

Melel nopol ay colel yu'un ta stojol te mach'atic ya yich'ic ta muc', scuenta yu'un ya xnahin ta jlumaltic te yutsilal.

Romanos 8:28

Soc jna'ojtic te lec ya xc'oht ta loq'uel spisil bintic ya xc'oht ta stojol te mach'atic c'ux ta yo'tan Dios, ha te mach'atic ic'bilic yu'un Dios hich te bin ut'il chapal yu'une.

Malaquías 4:2

Yan te ha'ex te awich'ojic ta muc' te jbihile, ya me xtihl ta atojolic te bin stojil ta pasel hich te bin ut'il sts'anabul te c'ahc'ale, soc ya yich' talel ta xic' te colele. Ya me xloq'uex bahel soc ya me xwihlawetex hich te bin ut'il tut wacaxetic te ya xloq'uic bahel ta snahic.

Salmos 91:16

Ya ca'be smulan naht scuxlejal soc ya ca'be yil te colel cu'un, xchi te Jehová.

Salmos 25:13

Ya me ya'iybe yutsil te bintic lec, soc te sts'umbal ya me yich' hilel te q'uinale.

2 Timoteo 4:18

Te Cajwaltic ya me scoltayon loq'uel ta spisil chopol a'teliletic soc ya me yic'on bahel ta banti te cuentahinel yu'un ta ch'ulchan. Ac'a yich' halbeyel yutsil sc'oblal sbahtel q'uinal. Hichuc.

Salmos 19:9

Te yich'el ta muc' te Jehová, mero lec, stalel ay sbahtel q'uinal; te chahpaneletic yu'un Jehová mero smelelil: spisil toj ayic.

Hechos 9:31

Hich lamal q'uinal la ya'iyic te iglesiahetic ta spahmal sq'uinal Judea, Galilea soc Samaria; behbe yich'bel yipic soc spisil ora la yich'ic ta muc' Cajwaltic, soc behbe p'ohlel soc yich'bel yip yo'tanic ta scuenta te Ch'ul Espíritu.

Salmos 91:10

hich mayuc bin chopol ya xtal ta atojol, ma x'och chamel ta ana,

Proverbios 11:19

Te mach'a ya st'un te bin toj ta pasel, ya me sta scuxlejal, yan te mach'a ya st'un te bin chopol, ya sta lajel yu'un.

Proverbios 19:22

Te bin ya sc'an ta stojol te winique, ha te stalel jun yo'tan ta stojol yantic; ha lec xan te pobre te bin ut'il mach'a ya ya'iy lot.

Proverbios 3:24

Te c'alal ya xwayat, ma ba ya xiwat; te c'alal yac amehtsan aba, buhts'an te awayele.

Proverbios 22:4

Te c'ulejalil, ich'el ta muc', soc te cuxlejal, ha mahtanil yu'un peq'uel-o'tanil soc xi'el te Jehová.