Proverbios 19:21 - Bible in Tzeltal Bachajón

²¹ Bayel bintic ya schap ta yo'tan te winique, pero ha ya xc'oht ta pasel te bintic schapoj te Jehová.

Bible in Tzeltal de Oxchuc y Tenejapa

²¹ Juju-jtul bayal bitic ya snop ta yo'tanic te ants-winiquetic; ja'uc me to, te bila ya yal stuquel te Diose sbajt'el q'uinal ay.

Proverbios 19:21 Referans Kwoze

Proverbios 16:9

Te ants-winic ya snop ta yo'tan te bin ya spas, pero ya xtojobtesot yu'un Jehová banti ya xbehen.

Isaías 14:24

Te Jehová te scuentahinej spisil hich la yal ta jamal: Ya me xc'oht ta pasel hich te bin ut'il chapalix cu'un, hich ya xc'oht te bin ut'il jnopoj:

Proverbios 16:1

Ay ta scuenta ants-winiquetic te ya snopic bintic ya spasic, pero ay ta scuenta Jehová yalel teme ya xc'oht ta pasele.

Isaías 46:10

Ya calbe sc'oblal te shahchibal c'alal ta slajibal, c'alal ta namey, te bin ma to ba c'ohem ta pasel; hich ya cal: Ya xc'oht ta pasel te bintic jnopoj, ya jpas spisil te bintic ya sc'an co'tan.

Proverbios 21:30

Mayuc p'ijil-o'tanil, snopojibal, o j'ac'-o'tanil te ya xhu' ya scontrahin te Jehová.

Efesios 1:11

Ta scuenta Cristo ha nix hichotcotic la yac' te ya x'ac'ot quich'cotic bintic ay yu'un Dios, te bin ut'il namey tsahbilotcotic yu'un te mach'a ya yac' c'ohtuc ta pasel spisil bin ya sc'an yo'tan stuquel,

Job 23:13

Pero teme ay bin ya sc'an ya spas, ¿mach'a ya xhu' ya syanijtes? Ya spas te bin ya sc'an yo'tan stuquel.

Proverbios 21:1

Te yo'tan te ajwalil hich ay te bin ut'il be-ha' ta sc'ab Jehová, ha ya stojobtes bahel chican bin ya sc'an yo'tan stuquel.

Eclesiastés 7:29

Ha nax jtahoj ini: ha te toj yo'tan pasot yu'un Dios te ants-winic, pero ha la sle bayel ta chahp bintic ma lecuc.

Daniel 4:35

Te mach'atic nahinemic ta bahlumilal hich c'ohemic te mayuc sc'oblalic ta stojol; ha ya spas te bin ya sc'an yo'tan ta stojol tsobolic ta ch'ulchan soc te mach'atic nahinemic ta bahlumilal. Mayuc mach'a ya xhu' ya scombe sc'ab o te hich ya yalbe: ¿Bin yac apas? te xchihe.

Salmos 21:11

Aunque ya snopic te ya scontrahinat soc ya schapic te bintic chopol, ma ba ya xtsalawanic,

1 Pedro 2:8

soc: Ha ton scuenta c'ohchinojibal soc ha ton te ya xyahlteswan, xchi. Ha ya sc'ohchin sbahic a ta scaj te ma ba ya sch'uhunic te c'ope. ¡Yu'un hich nix ya xc'ohtic ta loq'uel a!

Génesis 50:20

Te ha'exe la ac'anic te yac apasbonic te bin chopol, pero lec c'oht yu'un stuquel te Diose scuenta yu'un ya xc'oht ta pasel te bin ya quiltic ta ora ini, ha te ya xcuxajic tsobol ants-winiquetic a.

Proverbios 12:2

Te mach'a lec yo'tan, ya sta lec sc'oblal yu'un Jehová, pero ha ya yalbe smul te mach'a chopol bintic snopoj.

Judas 1:4

Como ay winiquetic te muquen ochemic, te chapalix sc'oblalic te ch'ayel ya xbahtique. Ha chopol winiquetic te ya sjelic ta chijil-o'tanil te yutsil yo'tan Dios soc smucoj ta yo'tanic te Dios te stuquel ay ta ch'uhumbeyel smandar, soc te Cajwaltic Jesucristo.

Ester 9:25

Pero c'alal c'oht ta stojol ajwalil te Ester, la yal mandar ta carta te ajwalil te ac'a suhtuc ta stojol Amán te bin chopol schapoj ta scontrahinel te judiohetic; soc ac'a yich' jihpanel ta te' soc te snich'nabe.

Salmos 83:4

Hich ya yalic: La, ya jimbetic te nación yu'unic, scuenta yu'un mayuquix ta na'beyel xan te sbihil Israel, xchihic.

Proverbios 19:22

Te bin ya sc'an ta stojol te winique, ha te stalel jun yo'tan ta stojol yantic; ha lec xan te pobre te bin ut'il mach'a ya ya'iy lot.

Jeremías 44:29

Ha me seña ya xc'oht awu'unic, xchi te Jehová, te ya ca'beyex castigo ta lugar ini, scuenta yu'un ya me ana'ic te ya me xc'oht ta pasel te bin caloj te chopol ya xc'oht ta atojolic.

2 Samuel 17:14

Ha yu'un te Absalón soc spisil Israel la yalic: Ha lec te bin la yal te Husai te arquita-winic, ha ma ba lec c'oht te bin la yal te Ahitofel, xchihic. Como te Jehová chapalix yu'un a te ya yich' howiytesel te bin la yal te Ahitofel scuenta yu'un ha ya xc'oht ta stojol Absalón te bin chopole.

Ezequiel 20:32

Ma ba ya xc'oht ta pasel te bin la anopic. Como hich yac awalic: Hich ya jc'antic te pajalotic soc te nacionetic, te pajalotic soc te yantic pueblohetic ta q'uinal, te ya sch'uhuntayic te' soc ton, xchihex.