Proverbios 19:16 - Bible in Tzeltal Bachajón

¹⁶ Te mach'a ya sch'uhun spasel te mandaril ya scanantay scuxlejal, yan te mach'a ya sp'aj te behetic yu'un, ya me xlaj.

Bible in Tzeltal de Oxchuc y Tenejapa

¹⁶ Te mach'a ya xch'uun te mandalil, ja' me ya scanantay te xcuxlejale; te mach'a ya yilay te p'ijubtesel yu'un Cajwaltic, ya me xlaj stuquel.

Proverbios 19:16 Referans Kwoze

San Lucas 10:28

Lec la ana' yalel, xchi te Jesús; pasa ini, hich me ya xcuxajat, xchi.

Proverbios 13:13

Te mach'a ya sp'aj nohptesel, ya me x'a'bot stoj yu'un, yan te mach'a ya yich' ta cuenta te mandar, ay bin ya sta yu'un.

San Lucas 11:28

La sjac' te Jesús: Ha bayel yutsil te mach'atic ya ya'iyic te sc'op Dios soc te ya spasique, xchi.

1 Juan 5:3

yu'un chican te c'ux ta co'tantic te Dios teme ya jch'uhumbetic te mandariletic yu'une. Ma ba wocol ta ch'uhunel te mandariletic yu'une,

1 Juan 3:22

soc ha ya ya'botic spisil bintic ya jc'ambetic, como ya jch'uhumbetic te mandariletic yu'un soc ya jpastic te bin lec yo'tan yu'une.

Proverbios 29:18

Te banti mayuc jal-c'op, ma ba ya scom sba te pueblo; pero bayel yutsil te mach'a ya sch'uhun spasel te Ley.

Proverbios 21:23

Te mach'a ya stsahtay bin ya yal ya scoltay sba ta bayel wocol.

Proverbios 16:17

Te be yu'un te mach'atic toj yo'tanic parte ay yu'un te bin chopol; te mach'a ya scanantay te be yu'un, ya scanantay scuxlejal.

Apocalipsis 22:14

Bayel me yutsilic te mach'atic ya sac' sc'u' spaq'uic, scuenta yu'un hich ya xhu' ya slo'beyic sit a te te' scuenta cuxlejal soc hich ya xhu' ya x'och bahel ta ti'ts'ahc yu'un te muc'ul pueblo.

1 Corintios 7:19

Mayuc sc'oblal teme yich'oj circuncisión o teme ma ba yich'oj circuncisión; ha tulan sc'oblal sch'uhumbeyel smandar te Diose.

Eclesiastés 12:13

Te slajibal spisil te bin ay ta a'iyel, ha ini: Ich'a ta muc' te Diose soc ch'uhumbeya te mandariletic yu'une, como hich ay spisil te ay ta scuenta spasel te ants-winiquetique.

Eclesiastés 8:5

Te mach'a ya sch'uhun spasel te smandar mayuc bin chopol ya xc'oht ta scuenta; soc te mach'a ay sp'ijil yo'tan ya sna' bin ora soc bin ya yut ya yac' c'ohtuc ta pasel stuquel.

Proverbios 3:1

Jnich'an, ma me xch'ay ta awo'tan te nohptesel cu'un; q'ueja ta awo'tan te mandariletic cu'une,

San Juan 14:15

Teme c'uxon ta awo'tanic, ch'uhumbonic te mandariletic cu'une.

San Mateo 16:26

Como ¿bin ya sta a te winic teme yu'untayej spisil te bahlumilal, pero teme ch'ayel ya xbaht te sch'uhlele? ¿Bin ya yac' a te winic yu'un te sch'uhlele?

Ezequiel 33:5

La ya'iybe sc'op te corneta, pero ma ba la yich' ta cuenta: ha nix ay ta scuenta te laje. Pero te mach'a ya yich' ta cuenta, ya scoltay sba, cuxul ya xhil.

Jeremías 7:23

Pero la jcalbe te mandar ini: Ch'uhumbonic te jc'ope, hich Dioson awu'unic ya xc'ohon soc ha'ex pueblo cu'un ya xc'ohex. T'unahic bahel spisil te behetic te la jcalbeyexe, scuenta yu'un lec ya xc'ohex a, xchihon.

Proverbios 22:5

Ay ch'ixetic soc yaquiletic ta sbe te mach'a chopol; pero te mach'a ya scanantay sba soc scuxlejal q'uejel ya yac' sba ta stojolic.

Proverbios 15:32

Te mach'a mayuc scuentahil ta yo'tan te tojobtesel ha nix ya sp'aj sba, yan te mach'a ya ya'iy te tojobtesel ya sta sp'ijil yo'tan.

Salmos 103:18

ta stojol te mach'atic ya yich'ic ta cuenta te chapbil-c'op yu'un soc te ma sch'ay ta yo'tanic sch'uhunel spasel te mandariletic yu'une.

Job 5:2

Melel ya xmilot yu'un yilimba te mach'a ma sna' q'uinal, ya xmilot yu'un bic'tal-o'tanil te sonso.

Proverbios 21:16

Te winic te ya yihquitay hilel te be yu'un p'ijil-o'tanil ya xc'oht sjoquin te mach'atic chamenic.