Proverbios 19:11 - Bible in Tzeltal Bachajón

¹¹ Te sp'ijil yo'tan te winic, ha ya xcombot yilimba yu'un; soc ha yutsilal ya xc'oht te ya xcuhch yu'un te il-o'tantayele.

Bible in Tzeltal de Oxchuc y Tenejapa

¹¹ Te mach'a ay sp'ijile, ya scom sba ta ilimba; soc ya x'ich'ot ta muc' teme ma'yuc sc'oplal ta yo'tan te ixtac'optayele.

Proverbios 19:11 Referans Kwoze

Proverbios 16:32

Ha lec xan te mach'a ma x'ilin ta ora te bin ut'il mach'a ay yip, lec xan te mach'a ya xhu' yu'un scomel sba te bin ut'il te mach'a ya stsal jun pueblo.

Proverbios 14:29

Te mach'a ma orahuc ya x'ilin, ya sna' q'uinal ta lec; yan te mach'a ma xcuhch yu'un, ya yac' ta ilel te ma sna' q'uinal.

Santiago 1:19

Ha yu'un, quermanotac te c'uxex ta co'tan, chapaluquex me apisilic yu'un ya'iyel ta ora te bin ya yich' halel, ma me orahuc ya xc'opojex, soc ma me orahuc ya x'ilinex,

Proverbios 15:18

Te c'ahc'al winic ya shach c'op, yan te mach'a ma ba ya x'ilin ta ora ya slahmajtes c'op.

Proverbios 12:16

Te mach'a ma sna' q'uinal, ora ya yac' ta ilel yilimba, yan te mach'a p'ij, ma xyich' ta cuenta te ixta'c'ope.

Efesios 4:32

Talel c'axel xawa'be aba awil yutsil awo'tanic soc c'uxultaywanej, talel c'axel xapasbe abahic perdón, hich te bin ut'il Dios la spasbeyex perdón ta scuenta Cristo.

Proverbios 20:3

Ha lec sc'oblal te mach'a ma sc'an c'op, pero mach'ahuc a te ma sna' q'uinal ya shach te c'ope.

Proverbios 25:21

Teme ay swi'nal te acontra, a'beya swe'el; teme taquin yo'tan, a'beya yuch' ha'.

Proverbios 17:14

Te shachel c'op hich c'ohem te bin ut'il ya yich' malel loq'uel ha' ta yawil; ha yu'un ihquitaya te hach-c'op te ma to ba schucoj sba a.

2 Reyes 5:12

Te Abana soc Farfar, te muc'ul-ha'etic yu'un Damasco, ¿ma bal ha'uc c'ax hich lequic xan a te bin ut'il spisil te muc'ul-ha'etic yu'un Israel? Teme tey ya jpoc jba a ¿ma bal yacuc xlecubon yu'un? xchi. Ilinem a suht bahel.

Proverbios 11:13

Te mach'a ya xlehawan ta c'op ya schicnajtes te bin muquen ay, yan te mach'a jun yo'tan ma ba ya schicnajtes te bin muquen ay.

Proverbios 29:11

Te mach'a ma sna' q'uinal ya yac' ta ilel spisil yilimba, yan te mach'a p'ij yo'tan ya scom sba stuquel.

Proverbios 20:22

Ma me hichuc xawal: Ya me ca'be spacol, ma me xchihucat; mahliya te Jehová, ha me ya scoltayat stuquel.