Proverbios 18:7 - Bible in Tzeltal Bachajón

⁷ Te ye te mach'a ma sna' q'uinal ha nix ya xjihnot yu'un; ta scaj sc'op ha nix ya syac sba.

Bible in Tzeltal de Oxchuc y Tenejapa

⁷ Te sc'op ya yal te mach'a ma sna' q'uinal, ja' nix ya xjinot yu'un; ta scaj sc'op ya xoj lazo ta snuc'.

Proverbios 18:7 Referans Kwoze

Proverbios 13:3

Te mach'a ya stsahtay bin ya yal, ha nix ya scanantay te scuxlejal, yan te mach'a bayel ya xc'opoj, ya xjihnot yu'un.

Proverbios 12:13

Te mach'a chopol yo'tan, ha nix ya schuc sba ta slot; yan te mach'a toj yo'tan ya xloc' ta wocol.

Proverbios 10:14

Te mach'atic ay sp'ijil yo'tanic ya sq'uejic te p'ijil-o'tanil, yan te sc'op te mach'a ma sna' q'uinal, ya yic' tal jinel.

Salmos 140:9

Te mach'atic sjoytayejonic ac'a c'ohtuc ta sjolic te bintic chopol yalojique.

Salmos 64:8

Ha ni me ya xyahltesotic yu'un te sc'opique. Spisil te mach'atic ya yilic ya me slabanic.

Proverbios 6:2

achucoj aba a te ac'op la awale, chucbilat yu'un te bintic la awal ta awe.

Proverbios 10:8

Te mach'a p'ij yo'tan ya yich' ta cuenta te mandariletic, yan te mach'a ma sna' bin ya yal, ya xjihnot yu'un.

Jueces 11:35

C'alal hich la yil, la sch'i' sc'u' yu'un, soc hich la yal: ¡Ay, cantsil-nich'an, ta mero melel la awa'bon jwocol! Ha'at nix ta acuenta te ay bin c'ux ya ca'iy, yu'un ay bin la jcal ta jamal ta stojol Jehová, ma xhu' ya jsut te jc'ope, xchi.

Proverbios 18:8

Te sc'op te lehaw ta c'op hich ay te bin ut'il c'unil we'elil; ya xc'ub bahel c'alal ta yutil sbaq'uetal.

Proverbios 5:22

Te mach'a chopol ha nix ya stsacot yu'un te sbohlile; ha nix ya xchucot yu'un te slazohil te smule.

Proverbios 14:3

Te bin ya yal te mach'a ma sna' q'uinal, ha xul ya xc'oht yu'un ta spat, yan te mach'a p'ij yo'tan ya xcanantayot yu'un te sc'ope.

Proverbios 16:22

Te sna'beyel scuentahil ha sloq'uib-ha' scuenta cuxlejal yu'un te mach'a yich'oje, pero te nohptesel yu'un te mach'a ma sna' q'uinal, tojol ya xc'oht.