Proverbios 18:5 - Bible in Tzeltal Bachajón

⁵ Ma lecuc te lec awo'tan yu'un te mach'a chopol, soc sch'aybeyel te bin toj ta pasel ta stojol te mach'a mayuc smul.

Bible in Tzeltal de Oxchuc y Tenejapa

⁵ Te juecetic ma lecuc teme ja' ya xc'uxtayic te mach'a ay smule, soc teme ja' ya xch'aybeyic sderecho te mach'a ma'yuc smule.

Proverbios 18:5 Referans Kwoze

Levítico 19:15

Ma xapas te bin ma stojiluc ta chahpanel, ma xana'be yo'bolil sba te mach'a pobre soc ma xacoltay te mach'a muc' sc'oblal; stojil me xachahpan te apat-axuhc.

Proverbios 28:21

Ma lecuc te tsahbil nax mach'a ya x'ich'ot ta cuenta; ¡ta scuenta jxeht' nax pan ay ya sta smul a te winique!

Deuteronomio 16:19

Ma me xahowiytes te bin stojil ta pasel; ma me tsahbiluc nax mach'a yac awich' ta cuenta, ma me xatsac taq'uin teme ya x'a'botat, como te taq'uin ya smacbe sit te mach'atic ay sp'ijilic soc ya showiytesbe sc'opic te mach'atic toj yo'tanique.

Salmos 82:2

Hich ya yal: ¿Jayeb xan ora te ma stojiluc yac achahpanic, te lec awo'tanic ta stojol mach'atic chopolic? Selah

Proverbios 24:23

Ha nix tsahbil c'opetic ini yu'un te mach'atic ay sp'ijil yo'tanic: Ma lecuc teme tsahbil nax mach'a ya x'ich'ot ta cuenta ta chahpajibal.

Proverbios 17:15

Te mach'a ya yac' ta libre te mach'a ay smul, soc te mach'a ya yac' ta lajel te mach'a mayuc smul, ihlaybil schebal yu'un te Jehová.

San Mateo 22:16

La sticonic bahel te jnopojeletic yu'unic soc te winiquetic yu'un Herodes, hich c'oht yalbeyic: Maestro, jna'ojcotic te smelelil ya xc'opojat soc smelelil yac awac' ta nopel te be yu'un Dios, mayuc sc'oblal awu'un te bin ya yal yantic, como ma ba yac awilbe bin yilel stalel te ants-winiquetique.

Isaías 5:23

te mach'atic ta scaj taq'uin ya yalic te mayuc smul te mach'a ay smul, soc mayuc ta cuenta yu'unic te mach'a mayuc smule!

Job 34:19

te pajal ay ta yo'tan te príncipaletic, te pajal c'ohem ta yo'tan te jc'ulej soc te pobre, como spisilic ha ya'tel sc'ab stuquel?

Miqueas 7:3

Scuenta ts'acal ya spas te bin chopol, te príncipal ay bin ya xc'ambot yu'un, te juez ya sc'an smahtan ta chahpanwanej; te mach'a muc' sc'oblal ya yal chican bin ya sc'an yo'tan, pajal ya yaq'uic c'ohtuc ta pasel.

Isaías 59:14

Hich suht bahel te stojil chahpanel, soc namal hil te bin stojil ta pasele; como te bin smelelil la sc'ohchin sba ta plaza, soc ma ba hu' ya xtal te toj-o'tanile.

Éxodo 23:2

Ma xat'un te tsobol mach'atic ya spasic te bin chopol, soc ma xawal lotil testigo te jun yac awac' aba soc, yu'un hich ya xjihn a te chahpanele.

Éxodo 23:6

Ma xawac' te ma ba toj ya yich' chahpanel te c'op yu'un te pobre.

Proverbios 17:26

Ma lecuc ya yich' c'ambeyel multa te mach'a mayuc smul, o te ya yich' majel te mach'a ich'bil ta cuenta te ya spas te bin toj.

Proverbios 31:5

yu'un ya xch'ay ta yo'tanic te ley teme yuch'ojique, hich ma stojiluc ya schahpanic te mach'atic ayic ta uts'inel.

Miqueas 3:9

A'iya awa'iyic ini, jtsobawex yu'un te sna Jacob, capitanex yu'un te sna Israel, te yac ap'ajic stojil chahpanel soc te yac ajinic spisil te bintic toj,

Éxodo 23:3

Soc ma me muc'uc sc'oblal ya xc'oht awu'un te pobre te c'alal ya yich' chahpanele.