Proverbios 18:12 - Bible in Tzeltal Bachajón

¹² Stoyoj sba te winic te c'alal ma to ba pehc'ambil, pero nahil ay te peq'uel-o'tanil, patil te ich'el ta muc'.

Bible in Tzeltal de Oxchuc y Tenejapa

¹² Te bila ya xtal ta spat te toybaile, ja' te jinele; te bila ya xtal ta spat te mach'a peq'uele, ja' te ya x'esmaj yutsilal.

Proverbios 18:12 Referans Kwoze

Proverbios 15:33

Te xi'el te Jehová ha nohptesel yu'un p'ijil-o'tanil, soc ha nahil te peq'uel-o'tanil, patil te ich'el ta muc'.

1 Pedro 5:5

Ha nix hichex, queremetic, ac'a abahic ta cuentahinel yu'un te ancianohetique. Ta apisilic, talel c'axel me xach'uhumbe aba amandaric, peq'uel me xawac' abahic, como hich ya yal: Dios ya scontrahin te jtoybahetic, pero ya sc'uxultay te mach'atic peq'uel yo'tanic, xchi.

Proverbios 11:2

Te c'alal ya xtal te toybahil, ha nix hich ya xtal te ma ba ya x'ich'ot ta muc', pero te mach'atic peq'uel ayic yich'ojic p'ijil-o'tanil.

Ezequiel 28:2

Snich'anat winic, halbeya te ajwalil yu'un Tiro: Hich yaloj te Jehová, te Ajwalil: La atoyba aba soc awo'tan, hich la awal: Ho'on dioson, huculon ta smuc'ul huctajib dios ta yohlil te mar, xchihat; pero ha'at winicat, ma diosucat, acuyoj aba te pajal awo'tan soc jun dios.

Proverbios 29:23

Ya xpehc'anot yu'un stoybahil te winique, yan te mach'a peq'uel yac'oj sba ya me x'ich'ot ta muc'.

Proverbios 16:18

Ha nahil te toybahil, patil te jinele, ha nahil te toybahil, patil te yahlele.

San Lucas 14:11

Como spisil te mach'a ya yac' sba ta ich'el ta muc', ya me yich' pehc'anel, yan te mach'a peq'uel ya yac' sba, ha me ya xtohytesbot sc'oblal stuquel, xchi.

Ezequiel 28:9

¿Hich bal ya xc'opojat ta stojol te mach'a ya smilat: Ho'on dioson, xchihat bal? Ha'at winicat, ma diosucat ta sc'ab te mach'a ya smilate.

Daniel 9:23

Te c'alal hahchat ta yalbeyel wocol Dios chicnaj te suhtib, hich tal calbat awa'iy, como ha'at c'uxat ta o'tanil. Ha yu'un na'beya scuentahil te suhtib soc na'beya scuentahil te nahalsitile.

Daniel 9:20

C'alal yacon ta sc'oponel Dios soc ta yalel ta jamal te jmul soc smul te jlumal Israel, soc ta yalel wocol ta stojol Jehová te Dios cu'un yu'un te ch'ul wits yu'une;

Ezequiel 29:9

hich jochol ya xhil te sq'uinal Egipto. Ya me sna'ic te ho'on Jehovahon, te bin ut'il hich la awal: Ho'on cu'un te muc'ul-ha' Nilo, ho'on la jpas, te xchihate.

1 Reyes 3:7

Yo'tic, Jehová, Dios cu'un, la awotsesix te a'bat awu'un ta sjelol te jtat David. Queremon to, ma to jna' bin ut'il ya x'ochon tal soc bin ut'il ya xloc'on bahel.