Proverbios 18:10 - Bible in Tzeltal Bachajón

¹⁰ Ha toyol ts'ahc te sbihil te Jehová; tey ya x'ahnimaj bahel a te mach'a toj yo'tan soc hich ya xcol.

Bible in Tzeltal de Oxchuc y Tenejapa

¹⁰ Muc' sc'oplal te Cajwaltic, jich te bit'il toyol ts'ajc'; te mach'atic toj yo'tanic ya me xbajt'ic ta stojol ta sleel canantayel.

Proverbios 18:10 Referans Kwoze

2 Samuel 22:3

ha Dios cu'un, ha muc'ul ton cu'un ta banti ya jnac' jba; ha jmahquil soc ha yip te jcolele, ha toyol ahnibal cu'un soc jcoltaywanej cu'un, la acoltayon ta uts'inel.

Salmos 91:2

Hich me ya calbe te Jehová: Ha'at ahnibalat cu'un soc toyol ts'ahcat cu'un, Diosat cu'un te smuc'ulinejat co'tan, xchi me ta stojol.

Isaías 26:4

Ha'uc me smuc'ul awo'tanic spisil ora te Jehová, como ha ahnibal sbahtel q'uinal te Cajwaltic Jehová.

Salmos 144:2

Ha jc'uxultaywanej soc toyol ts'ahc cu'un, ha ahnibal soc j'ac'aw ta libre cu'un, ha mahquilal cu'un te smuc'ulinej co'tan, ha te ya ya'bon ta ye'tal coc te pueblohetique.

Salmos 27:1

Ha sacal q'uinal cu'un soc ha jcolel te Jehová, ¿mach'a ya jxi'? Te Jehová ha ahnibal yu'un te jcuxlejal, ¿mach'a a te ya ya'bon xiwel?

Salmos 18:2

Te Jehová ha muc'ul ton cu'un soc ahnibal cu'un, ha j'ac'aw ta libre cu'un; ha Dios cu'un, ha toyol ch'entiquil cu'un te banti ya jnac' jba; ha jmahquil soc yip te colel cu'un, ha toyol ahnibal cu'un.

Génesis 17:1

Ay balunlajuneb yo'winic (99) ya'bilal a te Abram te c'alal Jehová la yac' sba ta ilel ta stojol, hich halbot yu'un: Ho'on Dioson te spisil ya xhu' cu'un; behenan ta jtojol soc toj me xawac' aba.

Apocalipsis 1:8

Ho'on te Alfa soc te Omega, te shahchibal soc te slajibal, xchi te Cajwaltic Dios, te mach'a ay ta ora ini, ta namey soc te ya xtale, ha te Dios te spisil ya xhu' yu'une.

San Mateo 1:23

Ay jtuhl ach'ix te ya xhahch yal soc ya x'ayin squerem-al, Emanuel sbihil ya xc'oht, te xchihe. (Dios sjoquinejotic, xchi te c'asesbile.)

Isaías 9:6

Como ayinemix jtuhl alal ta jcuentatic, a'bilotic jtuhl nich'anil, ha ya xc'oht ta stojol te cuentahinwanej. Hich ya x'a'bot sbihil: C'ax lequil J'ac'-o'tanil, Dios te ay yu'el, Tatil sbahtel q'uinal, Snich'an ajwalil yu'un lamal q'uinal.

1 Samuel 30:6

Ay swocol yu'un mel-o'tan te David, como te winiquetic la yalic sch'ojel ta ton, como ta spisil te winiquetic pich'il yo'tanic ta scaj te ach'ix queremetic yu'unique. Pero te David la sta yip yo'tan ta stojol Jehová te Dios yu'une.

Jeremías 23:6

Ya xcol Judá ta sc'ahc'alel soc te Israel jun yo'tan ya x'ayin. Hich ya xc'oht te sbihil te ya x'a'bote: Jehová, te mach'a cu'untic te toj yo'tan, xchi.

Salmos 91:14

Ya yal te Diose: Te bin ut'il c'uxon ta yo'tan, ya me cac' ta libre; ya cac' ta toyol ta scaj te ya sna'bon te jbihile.

Habacuc 3:19

Ha quip te Jehová te Ajwalil; ya yac' te hich ya xc'oht te coc te bin ut'il yoc chij, soc ya yac' te ya xbehenon ta toyol q'uinal. Yu'un te jtsobaw yu'un te c'ayojetique. Ya xtuhun ta a'tejibaletic yu'un c'ayoj te ya yich' tijel ta c'abal.

Isaías 57:15

Como hich ya yal te Mach'a toyol ay, te mach'a stalel cuxul, te Ch'ul Dios te sbihile: Ho'on nahinemon ta banti toyol soc ch'ultesbil, pero ha nix hich nahinemon soc te mach'a pich'il yo'tan soc peq'uel yo'tan, yu'un ya ca'be xan yip yo'tanic te mach'atic peq'uelic soc yu'un ya ca'be xan yip yo'tanic te mach'atic pich'il yo'tanique.

2 Samuel 22:51

Ha ya scoltay ta tsalaw te ajwalil yu'un; ya ya'be yil sc'uxul yo'tan te mach'a tsahbil yu'un, ha te David soc te sts'umbal ta sbahtel q'uinal, xchi ta c'ayoj.

Génesis 32:11

Coltayawon loq'uel ta sc'ab te jbanquil Esaú, yu'un ya jxi' te ya xtal smilon soc te alaletic soc te snanique.

Éxodo 6:3

Hich la jcac' jba ta ilel ta stojol Abraham, Isaac soc Jacob te bin ut'il Dioson te spisil ya xhu' cu'un, pero ma ba la jca'be sna'ic te Jehová te jbihile.

2 Samuel 22:2

Hich la yal: Te Jehová ha toyol ch'entiquil cu'un, ha tulan ahnibal cu'un soc jcoltaywanej cu'un;

Proverbios 14:26

Te xi'el te Jehová tey ay a te yip te muc'ul-o'tanil, soc ha ahnibal ya xc'oht yu'un te yal-snich'nab.

Proverbios 29:25

Te xiwel ta stojol ants-winiquetic, ha yaquil c'ohem, yan te mach'a ha smuc'ulinej yo'tan te Jehová, canantaybil stuquel.

1 Samuel 17:45

Ha yu'un te David la yalbe te filisteo: Ha'at talat ta jtojol soc espada soc lanza soc tut lanza, pero te ho'one talon ta atojol ta scuenta te sbihil Jehová te scuentahinej spisil, ha te Dios yu'un te soldadohetic yu'un Israel te yac atoybel aba ta stojole.

Salmos 20:2

Ac'a sticombat coltayel c'alal ta ch'ul awilal, c'alal ta Sión ac'a ya'bat coltayel.