Proverbios 17:2 - Bible in Tzeltal Bachajón

² Te a'bat te ay sp'ijil yo'tan ya me scuentahin te nich'anil te q'uexlaltic sba, soc pajal ya yich' soc te sbanquiltac te bin ya x'a'bot yich'ic hilel yu'un te state.

Bible in Tzeltal de Oxchuc y Tenejapa

² Te abat te ay sp'ijile, ya xc'ot ta swenta mandalteswanej ta stojol te nich'anil te q'uexlaltic sbae; soc ya xc'ot ta swenta sbiluc te tatile, jich nix bit'il te yantic snich'nabe.

Proverbios 17:2 Referans Kwoze

Proverbios 10:5

Te mach'a ya stsobe sit te yawal sts'unub ta yorahil, ha al-nich'anil te p'ij yo'tan, yan te mach'a wayal ta yorahil tsobel sit, ha al-nich'anil te ya yac' q'uexlal.

Eclesiastés 4:13

Ha lec xan te querem te pobre te ay sp'ijil yo'tan te bin ut'il jtuhl ajwalil te mamalix soc ma sna' q'uinal, te ma xyich' ta cuenta bin ya x'a'bot sna';

Proverbios 19:26

Te mach'a ay bin ya yelc'ambe te stat soc te ya sten bahel te snan, ha querem te ya yac' q'uexlal soc wocol.

Proverbios 14:35

Te ajwalil ay yutsil yo'tan ta stojol te a'bat ya sna' q'uinal, pero ya yilintay te mach'a ya x'ac'ot ta q'uexlal yu'une.

Proverbios 29:15

Te xul soc te tojobtesel ya yaq'uic p'ijil-o'tanil, pero te nich'anil te hich nax ay ya yac' ta q'uexlal te snane.

Proverbios 11:29

Te mach'a ya yuts'in sna, ya snahin ic', soc te mach'a ma sna' q'uinal, ha a'bat ya xc'oht yu'un te mach'a p'ij yo'tan.

Proverbios 17:1

Ha lec xan te taquin we'elil ta banti ay lamal q'uinal te bin ut'il te na te nojel ta we'elil te banti ay bayel c'op.

Proverbios 17:3

Te plata ya xtsajot ta banti ya yich' uhltesel, te oro ya xtsajot ta horno, pero te Jehová ya stsaj te o'tanile.