Proverbios 17:16 - Bible in Tzeltal Bachajón

¹⁶ ¿Banti ya xtuhun taq'uin ta sc'ab te mach'a ma sna' q'uinal yu'un ya sman p'ijil-o'tanil, teme ma sna' snopele?

Bible in Tzeltal de Oxchuc y Tenejapa

¹⁶ ¿Bi yu'un ya yich' tel taq'uin ta sc'ab te mach'a ma sna' q'uinal te ya sman p'ijilil ta sc'op a, te bit'il ma xju' yu'un snopele?

Proverbios 17:16 Referans Kwoze

Proverbios 23:23

Mana te bin smelelil, ma me xachon; mana p'ijil-o'tanil, nohptesel soc sna'beyel scuentahil.

Proverbios 18:15

Te yo'tan te mach'a p'ij yo'tan ya sta xan sp'ijil; te schiquin te mach'a p'ij, ya sle te bintic ay ta na'el.

2 Corintios 6:1

Ha yu'un te bin ut'il joc jbahcotic ta a'tel soc Dios, ya jtsitsexcotic te manchuc tojoluc ya xc'oht te la awich'iquix c'uxultayel yu'un Dios.

Deuteronomio 5:29

¡Te hichuc ay yo'tanic spisil ora, te yacuc xi'onic soc te yacuc sch'uhumbonic spisil ora te mandariletic cu'un, scuenta yu'un lec ya xc'ohtic soc yal-snich'nabic ta spisil ora!

Hechos 13:46

Ha yu'un te Pablo soc Bernabé soc yip yo'tanic hich la yalbeyic: La sc'an te nahil la jcalbeyex awa'iyic te sc'op Dios; pero te bin ut'il la ap'ajic soc ma xac'an yac awich'ic te cuxlejal scuenta sbahtel q'uinal, ya xbohotcotic ta stojol te jyanlumetique,

San Juan 3:20

Como spisil te mach'atic ya spasic te bin chopol, ya yihlayic te sacal q'uinal, ma xtalic ta stojol te sacal q'uinal scuenta yu'un ma xchicnaj te ya'telique.

Oseas 4:11

Te antsiwej, vino soc ya'lel ts'usub ya yac' ch'ayuc snopojibal.

Proverbios 14:6

Te jlabanwanej ya sle p'ijil-o'tanil, pero ma ba ya sta ta lehel, yan te mach'a ya sna' q'uinal, ma ba wocol ya sta te p'ijil-o'tanile.

Proverbios 24:7

C'ax toyol ay te p'ijil-o'tanil yu'un te mach'a ma sna' q'uinal, ta yochibal te pueblo mayuc bin ya yal tey a.