Proverbios 17:10 - Bible in Tzeltal Bachajón

¹⁰ Te mach'a ay sp'ijil yo'tan c'ax hich ya yich' ta cuenta a te tsitsel te bin ut'il ho'winic buelta ya yich' majel te mach'a ma sna' q'uinal.

Bible in Tzeltal de Oxchuc y Tenejapa

¹⁰ Jteb nax utel ta swenta comel, tic' ya stuuntes a te mach'a ay sp'ijile; yan te mach'a ma sna' q'uinale, ma scom sba, manchuc me ay jo'winic ta jyalel majel ya yich'.

Proverbios 17:10 Referans Kwoze

Apocalipsis 3:19

Ya jtsits soc ya ca'be castigo scuenta tojobtesel spisil mach'atic c'ux ta co'tan; ha yu'un pasa tulan, suhtesa awo'tan.

Proverbios 29:19

Ma ba ya xtojob ta c'op nax te a'bate; aunque ya xc'oht ta yo'tan, ma ba ya yich' ta cuenta.

Proverbios 27:22

Aunque yac aten ta juch'el te mach'a ma sna' q'uinal, hich te bin ut'il ya yich' juch'el te trigo, ma ba ya yihquitay te sonsohile.

Proverbios 19:25

Maja te jlabanwanej, hich ya yich' sp'ijil te mach'a ma sna' q'uinal; teme yac atojobtes te mach'a p'ij yo'tan, hich ya snop xan a te bin ay ta na'el yu'un.

Proverbios 15:5

Te mach'a ma sna' q'uinal ya sp'aj te tojobtesel yu'un te state; yan te mach'a ya sch'uhun tojobtesel ay sp'ijil yo'tan.

Proverbios 13:1

Te querem te p'ij yo'tan ya sch'uhun te tojobtesel yu'un te state, yan te mach'a jlabanwanej ma xyich' ta cuenta te tsitsele.

Salmos 141:5

Ac'a ya'bon castigo te mach'a toj yo'tan, lec ya ca'iy; pero ma me xyich' malel ta jol te aceite yu'un mach'atic chopolic, yu'un spisil ora ya jc'opon Dios ta scontrahinel te chopol ya'telique.

Proverbios 17:9

Te mach'a ya slajintay te bin chopol halbot, yac ta slehel bin ut'il ya sc'uxultay sbahic, yan te mach'a ya spuc bahel ta halel, ya yac' ya spit sbahic te mach'atic c'ux ya ya'iy sbahique.

Proverbios 17:11

Te jch'ay-mandar ha nax ya sle bin chopol; ya xticonot bahel j'uts'inwanej ta scontrahinel.