Proverbios 16:21 - Bible in Tzeltal Bachajón

²¹ Te mach'a ay sp'ijil yo'tan ya xhalbot te ay sp'ijil, soc te schi'il c'op ya yac' te lec ya xc'oht ta o'tanil.

Bible in Tzeltal de Oxchuc y Tenejapa

²¹ Te mach'a ay sp'ijile, “p'ij yo'tan”, xi' sc'oplal; te lequil c'ope, ya xlecub o'tanil yu'un.

Proverbios 16:21 Referans Kwoze

Isaías 50:4

Te Cajwaltic Jehová la yac' te hich ya xc'opojon te bin ut'il mach'a p'ijuben, scuenta yu'un ya jna' bin ya calbe te mach'atic luhbenique. Ta jujun sab ya stijbon hahchel jchiquin scuenta yu'un hich ya ca'iy te bin ut'il mach'a p'ijuben.

Proverbios 15:7

Te mach'atic p'ij yo'tanic ya spuquic ta halel p'ijil c'op; ma hichuc te mach'atic ma sna'ic q'uinal.

Proverbios 27:9

Te aceite soc te perfume ya yac' yutsil-o'tanil, soc te tojobtesel yu'un te amigo ya xlecub q'uinal yu'un.

Santiago 3:17

Yan te p'ijil-o'tanil te ya xtal ta toyol, mayuc bin capal tey a, lamal yo'tan, manso yo'tan, bayel ya sna' yo'bolil jbahtic soc lec te sit ya yac', ma tsahbiluc nax mach'a ay ta yo'tan, soc ma jchebal-o'tanuc.

San Juan 7:46

La yalic te policiahetic: ¡Mayuc mach'a hich ya xc'opoj a te bin ut'il ya xc'opoj te winic ini! xchihic.

San Lucas 4:22

Spisilic la yalbeyic lec sc'oblal soc xcham yo'tanic yu'un te yutsil sc'op te la yale. Hich la yalic: ¿Ma bal ha'uc te snich'an José? xchihic.

Eclesiastés 12:10

Te Jp'ijubteswanej la slehticlan c'opetic te snuhp' ya xc'oht scuenta yu'un ya sts'ihbay te bin smelelile.

Proverbios 23:15

Jnich'an, teme ay sp'ijil awo'tan, mero tse'el co'tan yu'un;

Proverbios 10:8

Te mach'a p'ij yo'tan ya yich' ta cuenta te mandariletic, yan te mach'a ma sna' bin ya yal, ya xjihnot yu'un.

Salmos 45:2

Ha'at c'ax hich at'ujbilal a te bin ut'il yantic winiquetic; c'ax t'ujbil c'opetic ya xloc' ta awe, yu'un Dios la ya'bat bendición sbahtel q'uinal.

1 Reyes 3:12

ha yu'un ya jpasbat te bin la ac'ambone. Ya ca'bat sp'ijil awo'tan soc sna'el stsahtayel. Mayuc hich yich'ojic te mach'atic nahil awu'un soc te mach'a patil awu'un te bin ut'il te ha'ate.

Romanos 16:19

Puhquem ac'oblalic ta bayuc te yac ach'uhunic mandar, ha yu'un tse'el co'tan awu'unic. Pero ya jc'an te ay sp'ijil awo'tanic ta spasel te bin lec, te ma xana'ic spasel te bin ma lecuque.

San Mateo 11:25

Ta hich ora la yal te Jesús: Ya calbat yutsil ac'oblal, Jtat, Yajwalat ch'ulchan soc bahlumilal, yu'un ma ba la awa'be sna'ic ha'i c'op ini te mach'atic p'ij yo'tanic soc te mach'atic ay bintic ya sna'ic, ha la awa'be sna'ic te bic'tal alaletique.

Proverbios 16:22

Te sna'beyel scuentahil ha sloq'uib-ha' scuenta cuxlejal yu'un te mach'a yich'oje, pero te nohptesel yu'un te mach'a ma sna' q'uinal, tojol ya xc'oht.

Oseas 14:9

¿Mach'a a te ay sp'ijil te ya sna'be scuentahil ini? ¿Mach'a ya sna' tsahtayel yu'un ya xc'oht ta yo'tan? Como toj te behetic yu'un Jehová, te mach'atic toj yo'tanic, ha ya st'unic, pero te jtoybahetic ya sc'ohchin sbahic tey a.

Proverbios 10:13

Ay p'ijil c'op ta ye te mach'a p'ij yo'tan, pero ya yich' a'beyel xul ta spat te mach'a ma sna' q'uinal.

Proverbios 10:23

Te mach'a ma sna' q'uinal, ya smulan spasel te bin chopol, yan te mach'a p'ij yo'tan, ya smulan te p'ijil-o'tanile.