Proverbios 16:12 - Bible in Tzeltal Bachajón

¹² Te ajwaliletic ya sp'ajic te bin chopol ta pasel, como ya yich' yip te shuctajib ta scuenta spasel bin toj.

Bible in Tzeltal de Oxchuc y Tenejapa

¹² Te muc' ajwaliletic ma lecuc yat'el ya yilbey te mach'a amene; melel te yat'el te muc' ajwalile, ja' yich'oj yip a te stojil chajbanele.

Proverbios 16:12 Referans Kwoze

Proverbios 25:5

Loq'uesa ta stojol te ajwalil te mach'a chopol, hich te shuctajib ya me yich' yip ta scuenta bin stojil ta pasel.

San Lucas 12:48

Yan te a'bat ta scaj ma sna' te bin ya spas te ya yich' majel yu'une, ma ba bayel majel ya yich' stuquel, como spisil te mach'a bayel bin a'bot, bayel bin ya xc'ambot, soc te mach'a bayel bin a'bot scuentahin, c'ax hich ya xc'ambot suhtel a.

Proverbios 29:14

Te ajwalil te toj ya schahpan te pobrehetic, spisil ora ay me yip te shuctajib.

Proverbios 28:9

Te mach'a ma sc'an ya ya'iy te ley, ha nix hich ihlaybil te bin ya sc'opon Dios yu'une.

Apocalipsis 19:11

La jquil jamal te ch'ulchan, soc ay saquil cawu. Te mach'a cajal tey a, ha Stalel Jun Yo'tan soc Smelelil, xchi te sbihile; stojil ya x'ich'awan ta c'op soc ya yac' guerra.

Proverbios 20:18

Te bintic ya yich' chapel, tulan ya xc'oht yu'un lequil j'ac'-o'tanil; ya yich' pasel guerra ta scuenta lequil tojobtesel.

Salmos 99:4

Ha'at ajwalilat te ay awu'el te c'ux ta awo'tan te bin toj ta pasel; ha'at la achahpan te pajal ay ta c'uxultayel spisilic; yac apas ta stojol Jacob te bin stojil soc te bin lec.

Deuteronomio 25:16

Como ihlaybil yu'un Jehová te Dios awu'un mach'ayuc a te hich ya spas soc mach'ayuc a te ya spas te bin ma stojiluc ta pasele.

Proverbios 16:13

Te ajwaliletic lec ya ya'iyic te bin toj ta halel; c'ux ta yo'tanic te mach'a stojil ya xc'opoj.

2 Crónicas 17:5

Ha yu'un te Jehová la ya'be yip te ya'tel ta ajwalil; soc spisil Judá la ya'beyic smahtan te Josafat, la sta bayel sc'ulejal soc yutsilal.

Proverbios 29:4

Te ajwalil te toj bin ya spas, ya ya'be yich' yip te slumale; yan te mach'a ya schon sba, ha ya sjin stuquel.