Proverbios 15:8 - Bible in Tzeltal Bachajón

⁸ Te Jehová ya yihlay te chic'bil mahtanil ya yaq'uic te mach'atic chopol yo'tanic, pero lec yo'tan yu'un te mach'atic toj yo'tanique.

Bible in Tzeltal de Oxchuc y Tenejapa

⁸ Te majt'aniletic ya yaq'uic te mach'atic amen yo'tanic, ya yilay te Cajwaltique; yan te mach'atic toj yo'tanique, bin nax yo'tan ya stsacbey sc'op stuquelic.

Proverbios 15:8 Referans Kwoze

Proverbios 15:29

Te Jehová namal ay ta stojol te mach'atic chopolic, pero ya ya'iybe sc'op te mach'atic toj yo'tanic.

Proverbios 21:27

Ihlaybil te milbil mahtanil ya yac' te mach'atic chopolic, c'ax to xan hich a teme chopol bin snopoj ta yo'tan a te ya yaq'ue.

1 Crónicas 29:17

Ya jna', Dios cu'un, te yac ana'ticlan o'taniletic soc te yac amulan te bin stojil. Ha scuentahil te ta scuenta stojil co'tan soc ta sc'anojel co'tan la jca'bat spisil ini, soc yo'tic tse'el co'tan la jquilix te pueblo awu'un te stsoboj sbahic ta ora ini, te la ya'bat soc yutsil yo'tanic.

Jeremías 6:20

¿Bin stuc cu'un te pom yu'un Sabá o te chi'il jalal te ya xtal ta namal q'uinal? Ma ba ya jtsac te scohtol chic'bil mahtaniletic awu'unic, soc ma lecuc co'tan yu'un te chic'bil mahtaniletic awu'unic, xchi te Jehová.

Proverbios 28:9

Te mach'a ma sc'an ya ya'iy te ley, ha nix hich ihlaybil te bin ya sc'opon Dios yu'une.

Isaías 61:8

Como ho'on, Jehovahon, c'ux ta co'tan te bin stojil ta pasel, ha ya quihlay te elec' soc te bin chopol ta pasele. Ha yu'un smelelil ya ca'be stojol sc'abic soc ya jchap c'op soc ta scuenta sbahtel q'uinal.

San Juan 4:24

Ha Espíritu te Diose, ha yu'un te mach'atic ya yich'ic ta muc', ya sc'an ya yich'ic ta muc' ta scuenta espíritu soc ta smelelil, xchi.

Eclesiastés 5:1

Te c'alal ya xbahat ta templo yu'un Dios tsahtaya te bin yac apas. Ha lec xan te ya xnohpojat bahel ta ya'iyel te bin ut'il yaq'uel milbil mahtanil hich te bin ut'il ya spasic te mach'atic ma sna'ic q'uinal, te ma ba ya sna'ic te ay bin chopol ya spasique.

Isaías 66:3

Te mach'a ya yac' toro scuenta milbil mahtanil hich c'ohem te bin ut'il mach'a ya smil jtuhl winic; te mach'a ya yac' tuminchij scuenta milbil mahtanil hich c'ohem te bin ut'il mach'a ya swac'be snuc' ts'i'; te mach'a ya yac' harina scuenta mahtanil hich c'ohem te bin ut'il mach'a ya yac' mahtanil sch'ich'el chitam; te mach'a ya schic' pom hich c'ohem te bin ut'il mach'a ya sch'uhuntay loc'omba. Ha nix la stsahic te behetic yu'unic, soc la smulanic te bintic ihlaybilic,

Cantares 2:14

Tsumut cu'un te ayat ta banti sc'ub tonetic, ta nac'ombahiletic ta witsiltic, a'bon quilbat asit awelaw, a'bon ca'iybat ac'op; como t'ujbil te ac'ope soc t'ujbil te asit awelaw, xchi.

Salmos 17:1

A'iya awa'iy, Jehová, te bin stojil ya jc'ambat, a'iybon awa'iy caw. A'iybon awa'iy jc'op ta atojol te ma scuentahuc lo'loywanej.

Levítico 7:18

Teme ya yich' we'el ta yoxebal c'ahc'al te ti'bal yu'un te milbil mahtanil scuenta lamal q'uinale, ma ba lec ya xc'oht yu'un Dios te mach'a la yaq'ue, soc te bin la yac' mayuc ta cuenta, ihlaybil ya xc'oht, soc te mach'a ya sti' ay smul ya xc'oht.

Proverbios 10:24

Te bin ya xi' te mach'a chopol yo'tan ya me xc'oht ta stojol, yan te mach'atic toj yo'tanic, ya me x'a'botic te bin ya sc'an yo'tanic.

Proverbios 15:7

Te mach'atic p'ij yo'tanic ya spuquic ta halel p'ijil c'op; ma hichuc te mach'atic ma sna'ic q'uinal.

Proverbios 21:3

Te spasel bintic toj soc lec, ha lec xan ya ya'iy a te Jehová te bin ut'il yaq'uel milbil mahtanil.

Miqueas 6:7

¿Lec bal ya ya'iy te Jehová teme ay bayel ta mil (1,000) ta coht tat tuminchijetic o lajunmil (10,000) uc'umetic yu'un aceite? ¿Ya bal ca'be te jba jnich'an scuenta stojol te jtoybahil, ya bal ca'be te sit jbaq'uetal scuenta stojol smul te jch'uhlele?

Hageo 2:14

Hich la yal te Hageo: Hich ay te ants-winiquetic soc te pueblo ini, xchi te Jehová, soc ha nix hich spisil ya'tel te sc'abique: spisil mahtaniletic ya yaq'uic li'i bohloben sc'oblalic.

2 Samuel 15:12

Te c'alal yac ta aq'uel milbil mahtaniletic a te Absalón, la sticon ta iq'uel tal jtuhl jtojobteswanej yu'un David, Ahitofel te gilon-winic, talem ta Gilo. Hich behbe yich'bel yip te c'op ta scontrahinel te ajwalil, soc yac ta p'ohlel te mach'atic yac st'umbelic te Absalón.

1 Reyes 3:10

Lec la ya'iy te Jehová te bin c'ambot yu'un te Salomón.

Salmos 141:2

Ac'a mohuc bahel ta atojol hich te bin ut'il pom te bin ya calbat; te jc'ab te jachoj mohel ta atojol hich ac'a c'ohtuc te bin ut'il milbil mahtanil ta tibiltic.

Daniel 9:23

Te c'alal hahchat ta yalbeyel wocol Dios chicnaj te suhtib, hich tal calbat awa'iy, como ha'at c'uxat ta o'tanil. Ha yu'un na'beya scuentahil te suhtib soc na'beya scuentahil te nahalsitile.

Miqueas 6:6

¿Bin quich'oj ya xtalon ta stojol Jehová soc ya jch'uhuntay te Dios te mero toyol ay? ¿Ya bal jtehc'an jba ta stojol soc scohtol chic'bil mahtanil, soc wacaxetic te jun ya'bilalique?

Malaquías 1:10

Te ayuc mach'a ta awohlilic te ya smacbe te ochibaletic yu'un te templo scuenta yu'un ma tojoluc yac atsunic c'ahc' ta scajtajib ta chiq'uel mahtanil cu'un, xchi te Jehová te scuentahinej spisil.