Proverbios 15:7 - Bible in Tzeltal Bachajón

⁷ Te mach'atic p'ij yo'tanic ya spuquic ta halel p'ijil c'op; ma hichuc te mach'atic ma sna'ic q'uinal.

Bible in Tzeltal de Oxchuc y Tenejapa

⁷ Te mach'atic ay sp'ijil yo'tanic ya spuquic ta alel p'ijil c'op; yan te mach'atic ma sna'ic q'uinale, ma lecuc spisil te bila ya spasique.

Proverbios 15:7 Referans Kwoze

San Mateo 12:34

¡Sts'umbalex jti'awal chanetic! ¿Bin ut'il c'an lecuc ac'opic te chopolexe? Como ya xloc' ta ehal te bintic nojel ta o'tanil.

Santiago 3:6

Ha c'ahc' c'ohem te cac'tic, ha jun yawil nojel ta mulil te ay ta jbaq'uetaltic. Ya sbohlobtes spisil te jbaq'uetaltic, ya schic'botic spisil jcuxlejaltic, soc ha nix tihltesbil sc'ahc'al yu'un te infierno.

Efesios 4:29

Ma me xloc' bohlc'op ta awehic, ha'uc nax lequil c'op te ya xtuhun scuenta ya'beyel yipic te yantic, scuenta yutsil slequil te mach'a ya ya'iybeyex ac'opique.

San Marcos 16:15

Hich la yalbe: Bahanic ta swohlol bahlumilal, halbeya ya'iyic spisil ants-winiquetic te lec yach'il c'ope.

San Mateo 10:27

Te bin ya calbeyex ta yihc'al q'uinal, jamal xawalic ta sacal q'uinal; soc te bin yac awa'iy ta muquen ta achiquinic, halahic ta ba nahetic.

Cantares 4:11

Jlecolat, ya x'oquin chab ta sti'il awe hich te bin ut'il schabec'al chab; chab soc leche ay ta ye'tal awac'. Te sumet yic' te ac'u' apac' pajal soc yic' te Líbano.

Salmos 119:13

Ya cal ta que spisil te bintic la achapticlan te loc' ta awe.

Salmos 45:2

Ha'at c'ax hich at'ujbilal a te bin ut'il yantic winiquetic; c'ax t'ujbil c'opetic ya xloc' ta awe, yu'un Dios la ya'bat bendición sbahtel q'uinal.

Salmos 37:30

Ya xloc' p'ijil c'op ta ye te mach'a toj yo'tan, soc ya yal te bin stojil.

2 Timoteo 2:2

Te bintic awa'iyej cu'un ta stojol tsobol testigohetic ha me xawa'be snop winiquetic te jun yo'tanic, te ya xhu' ya ya'beyic snop yantic.

Proverbios 15:2

Ya xloc' p'ijil c'op ta ye te mach'atic p'ij yo'tanic, pero te ye te mach'atic ma sna'ic q'uinal ya yal te bin mayuc sc'oblal.

Proverbios 15:6

Ay bayel bin ay ta sna te mach'a toj yo'tan, pero te stojol ya'tel te mach'a chopol yo'tan ya yac' wocol.

Proverbios 15:8

Te Jehová ya yihlay te chic'bil mahtanil ya yaq'uic te mach'atic chopol yo'tanic, pero lec yo'tan yu'un te mach'atic toj yo'tanique.

Proverbios 5:2

scuenta yu'un yac atsahtay aba soc ay ap'ijil te ya xc'opojate.

Proverbios 16:23

Te yo'tan te mach'a ay sp'ijil ya stojobtes te sc'op, soc ya yac' te ay yutsilal te bin ya yal.

Eclesiastés 10:2

Te yo'tan te mach'a p'ij ay ta swa'el-c'ab, pero te yo'tan te mach'a ma sna' q'uinal, ay ta sq'uexam-c'ab.