Proverbios 15:11 - Bible in Tzeltal Bachajón

¹¹ Te yawil mach'atic chamenic soc te yawil jinel jamal chicanic ta stojol Jehová, ¿ha'uc to balix a te yo'tanic te ants-winiquetique?

Bible in Tzeltal de Oxchuc y Tenejapa

¹¹ Teme ay ta sit Cajwaltic te lajel soc te muquenale, ¿ja'uc to balix a te bitic ay ta yo'tanic te ants-winiquetique?

Proverbios 15:11 Referans Kwoze

Salmos 44:21

¿ma bal lajuc sna' te Diose? como ha sna'oj spisil te bin muquen ay ta o'tanil.

Hebreos 4:13

Mayuc bin pasbil te ma ba ya x'ilot yu'un Dios; spisil jamal chican ta ilel ta sit te Mach'a ya xc'ohotic ta pasbeyel cuenta yu'une.

Salmos 139:8

Teme ya xmohon ta ch'ulchan, tey ayat a; teme ya jchahpan jwayib ta yawil mach'atic chamenic, tey ayat a.

Job 26:6

Ma ba macal ta sit Dios te stsobojibal mach'atic chamenic, mayuc smahquil te Yawil Lajinel.

2 Crónicas 6:30

a'iybeya sc'opic c'alal ta ch'ulchan, te banti nahinemat; pasbeya perdón, pasa te bin ya sc'an pasel, a'beya ta tuhlultuhl ha chican te bin yilel te bin spasojic, como ha'at ana'beyej yo'tan, como ha'at nax atuquel ana'beyej yo'tan spisil ants-winiquetic,

Apocalipsis 2:23

Ya cac' lajuc te yalatac, hich spisil te iglesiahetic ya me sna'ic te ho'on ya jtsahtay te snopojibal yu'unic soc te bin ay ta yo'tanic. Ho'on ya ca'beyex jujutuhl ha chican bin yilel te awa'telique.

Apocalipsis 1:18

te mach'a cuxul. Lajon, pero cuxulonix sbahtel q'uinal. Quich'oj te llave yu'un lajel soc yu'un te yawil mach'atic chamenic.

Jeremías 17:10

Ho'on Jehovahon ya jtsahtay te o'tanil, soc ya jtsahtay te bin snopoj, yu'un ya ca'be stoj ta tuhlutuhl ha chican bin ya spasic, ha chican bin yilel sit te ya'tele, xchi te Jehová.

Proverbios 27:20

Te yawil mach'atic chamenic soc te yawil jinel mayuc bin ora te tic' ya ya'iy a, ha nix hich te sit te winic, mayuc bin ora ya xlaj yo'tan ta ilaw.

Salmos 7:9

Lajimbeya schopolil te mach'atic chopol yo'tanic, pero a'beya yich' yip te mach'a toj yo'tan, como toj yo'tan stuquel te Diose, ya stsahtay pensaril soc o'tanil.

1 Samuel 16:7

Pero halbot yu'un Jehová te Samuel: Ma me ha'uc xawil te bin yilel o te bin yilel snahtil, como ch'aybil cu'un. Como te Jehová ma ha'uc ya yil te bin ya yil te ants-winic, como te ants-winic ha ya yil te bin chican ta sit, yan te Jehová ha ya yil te bin yilel te o'tanile, xchi.

San Juan 21:17

Joc'obot xan ta yoxebal buelta: Simón, snich'an Jonás, ¿c'uxon bal ta awo'tan? xchi. Te Pedro la smel yo'tan yu'un te yoxebalix buelta te joc'obot: ¿C'uxon bal ta awo'tan? te xchihe. Ha yu'un hich la yal: Cajwal, ana'oj spisil; ana'oj te c'uxat ta co'tan, xchi. Halbot yu'un te Jesús: Mac'limbon te tuminchijetic cu'une.

Hechos 1:24

Hich la yalic ta sc'oponel Dios: Ha'at, Cajwal, te yac ana'be yo'tan spisilic, ac'a ta na'el mach'a tsahbil awu'un ta schebalic,

Apocalipsis 9:11

Ha yajawic te jcanan-xahab, Abadón sbihil ta hebreo, Apolión sbihil ta griego.

Proverbios 15:10

Te mach'a ya yihquitay te lequil be, tulan me tojobtesel ya yich'; te mach'a ya sp'aj te tojobtesel ya me xlaj.

Proverbios 17:3

Te plata ya xtsajot ta banti ya yich' uhltesel, te oro ya xtsajot ta horno, pero te Jehová ya stsaj te o'tanile.