Proverbios 15:10 - Bible in Tzeltal Bachajón

¹⁰ Te mach'a ya yihquitay te lequil be, tulan me tojobtesel ya yich'; te mach'a ya sp'aj te tojobtesel ya me xlaj.

Bible in Tzeltal de Oxchuc y Tenejapa

¹⁰ Te mach'a ya yijq'uitay te lequil be, tulan me tojtesel ya yich'; te mach'a ya xjajch' slab yo'tan yu'un te comele, ya me xlaj bael yu'un.

Proverbios 15:10 Referans Kwoze

Proverbios 12:1

Te mach'a c'ux ta yo'tan te tojobtesel, c'ux ta yo'tan te p'ijil-o'tanil, yan te mach'a ya sp'aj te tsitsel ma sna' q'uinal.

San Juan 3:20

Como spisil te mach'atic ya spasic te bin chopol, ya yihlayic te sacal q'uinal, ma xtalic ta stojol te sacal q'uinal scuenta yu'un ma xchicnaj te ya'telique.

Proverbios 13:1

Te querem te p'ij yo'tan ya sch'uhun te tojobtesel yu'un te state, yan te mach'a jlabanwanej ma xyich' ta cuenta te tsitsele.

Proverbios 10:17

Te mach'a ya yich' ta cuenta te tojobtesel, ay ta sbehlal cuxlejal; yan te mach'a ya sp'aj te tojobtesel, ya xhowiy bahel.

San Juan 7:7

Ma xhu' ya sp'ajex te mach'atic ayic ta bahlumilal, yan te ho'one ya sp'ajonic, yu'un jamal ya cal te ha chopol te ya'telique.

Proverbios 5:12

te hich yac awal: ¡Mero la jp'aj te tojobtesele! ¡Mayuc sc'oblal c'oht ta co'tan te tsitsele!

Proverbios 1:30

ma ba la sc'anic te bin ya ca'be sna'ic soc la sp'ajic spisil te tojobtesel cu'une,

1 Reyes 22:8

Te ajwalil yu'un Israel la yalbe te Josafat: Ay jtuhl winic te ya xhu' ya joc'obetic Jehová ta scuenta, ha te Micaías snich'an Imla, pero ya quihlay, como mayuc bin ora ya yalbon te bin lec, puro ma lecuc, xchi. Pero la yal te Josafat: Ma lecuc hich ya yal te ajwalil, xchi sc'oblal.

1 Reyes 21:20

Te Acab la yalbe te Elías: ¿La bal atahonix, jcontrahat? xchi. La yal te Elías: La jtahat, como la awac' aba ta spasel te bin chopol ta stojol Jehová.

1 Reyes 18:17

C'alal la yil te Elías, hich la yalbe: ¿Ha'at bal te yac awa'bebel swocol te Israel? la yut.

Proverbios 23:35

Hich yac awal: La smajonic, pero ma ba c'ux la jca'iy. La smajonic, pero ma ba la jca'iy. C'alal cux co'tan, ya jle xan yan, xchihat.

Proverbios 1:25

La ap'ajic spisil bintic ya ca'beyex ana'ic soc ma la ac'an te tojobtesel cu'une.

Proverbios 15:9

Te Jehová ya yihlaybe te be yu'un te mach'atic chopol yo'tanic, pero c'ux ya ya'iy ta yo'tan te mach'a st'unoj te bin toj ta pasele.

Proverbios 15:11

Te yawil mach'atic chamenic soc te yawil jinel jamal chicanic ta stojol Jehová, ¿ha'uc to balix a te yo'tanic te ants-winiquetique?

Job 34:27

como la yihquitayic hilel, ma ba la yich'beyic ta cuenta te behetic yu'un,

Salmos 50:17

Yac ap'aj te tojobtesel cu'un soc yac awac' ta apat te jc'ope.

Jeremías 2:17

¿Ma bal ha'uc hich pasbotat yu'un te la awihquitay hilel te Jehová te Dios awu'un te c'alal la stojobtesat bahel ta be?

Ezequiel 33:9

Pero teme yac awalbe te mach'a chopol te yacuc xhil te be yu'une, pero teme ma ba ya yihquitay, ha nix ay ta scuenta smul te ya xlaj, pero ha'at ya xhilat ta libre.