Proverbios 14:8 - Bible in Tzeltal Bachajón

⁸ Te p'ijil-o'tanil yu'un te mach'a p'ij, ha te ya stsahtay te behetic yu'un, pero te tojol c'op yu'un te mach'a ma sna' q'uinal, ya xlo'loywan.

Bible in Tzeltal de Oxchuc y Tenejapa

⁸ Te mach'a ay sp'ijile, ya stsajtay te bila ya spase; yan te mach'a ma sna' q'uinale, ya xlo'layot yu'un te sbolile.

Proverbios 14:8 Referans Kwoze

Efesios 5:17

Ha yu'un ma me biluc nax xalomic ta pasel, na'ahic me te bin ya sc'an yo'tan te Cajwaltique.

2 Timoteo 3:13

Yan te mach'atic chopolic soc te jlo'loywanejetic behbe bohlobelic stuquel, ya xlo'loywanic soc ha nix lo'loybilic.

Santiago 3:13

¿Mach'a a te ay sp'ijil yo'tan ta awohlilic soc te ay bin ya sna'? Ac'a yac' ta ilel ta scuenta te lec stalel te bin ut'il ya spas ya'tel soc peq'uel yo'tan soc sp'ijil yo'tan.

Efesios 4:22

Cholahic loq'uel te apoco'-talelic te bin ut'il ayex ta nahil to, te yac ta bohlobel ta scaj lo'loyel ta mulil;

Proverbios 11:18

Te mach'a chopol yo'tan, ya sta stojol ya'tel te ma stojiluc, yan te mach'a ya sts'un bin stojil ta pasel, ya me yich' smahtan.

Proverbios 8:20

Ya xbehenon ta toj be, ta sbehlal te bin toj ta pasel,

Proverbios 2:9

Hich me yac ana' te bin toj, te stojil chahpanel, soc te spisil pajal ya x'ich'ot ta cuenta, soc spisil lequil behetic.

Salmos 119:73

Ha la spason te ac'ab soc la schahpanon; a'bon jna' yu'un hich ya jnop a te mandariletic awu'une.

Salmos 119:5

Co'tanuc te jun co'tan ya jch'uhun spasel te mandariletic awu'une.

Salmos 111:10

Te shahchibal te p'ijil-o'tanil ha te yich'el ta muc' te Jehová; spisil te mach'atic ya spasic te mandariletic yu'un ya sna'ic q'uinal ta lec. ¡Ay ta halbeyel yutsil sc'oblal sbahtel q'uinal!

Jeremías 13:20

Toya mohel asitic soc ilawilic te mach'atic yaquic ta talel ta stojol norte. ¿Banti ay te jtsohb tuminchij te a'botat, te t'ujbil tuminchijetic awu'une?

Salmos 143:8

A'bon ca'iy ta sahb te sc'uxul awo'tan, como ha'at smuc'ulinejat co'tan. A'bon jna' te be te banti ya sc'an ya xbehenon, yu'un ya jtoy mohel jch'uhlel ta atojol.

1 Corintios 3:19

Como te p'ijil-o'tanil yu'un te bahlumilal ha howilc'op ta stojol Dios, hich te bin ut'il ts'ihbabil: Ya syac ta scuenta sp'ijil yo'tanic te mach'atic p'ijique, xchi.

Proverbios 15:21

Te mach'a ma ba p'ij yo'tan, ay yutsil yo'tan yu'un te bintic mayuc sc'oblal; yan te mach'a p'ij yo'tan ya stsahtay te be yu'une.

Proverbios 12:5

Te mach'a toj yo'tan, ha toj te bin snopoj ta yo'tan, pero ha lo'loywanej te bin ya yac' ta na'el te mach'atic chopolic.

Eclesiastés 2:13

La jquil te c'ax hich lec te p'ijil-o'tanil te bin ut'il te sonsohil, hich te bin ut'il c'ax lec te sacal q'uinal te bin ut'il te yihc'al q'uinale.

Eclesiastés 2:16

Como te mach'a p'ij yo'tan soc te mach'a ma sna' q'uinal ma spisiluc ora ya xna'ot; c'alal ya xc'ax bayel c'ahc'al spisil ya xch'ay ta o'tanil. Te mach'a ay sp'ijil yo'tan soc te mach'a ma sna' q'uinal, pajal ya xchamic.