Proverbios 14:3 - Bible in Tzeltal Bachajón

³ Te bin ya yal te mach'a ma sna' q'uinal, ha xul ya xc'oht yu'un ta spat, yan te mach'a p'ij yo'tan ya xcanantayot yu'un te sc'ope.

Bible in Tzeltal de Oxchuc y Tenejapa

³ Ya xloc' tel toyba c'op ta ye te mach'a ma sna' q'uinal; yan te mach'a ay sp'ijile, ya xcoltayot yu'un te slequil c'ope.

Proverbios 14:3 Referans Kwoze

Proverbios 12:6

Te sc'opic te mach'atic chopol yo'tanic ha yaquil yu'un milaw, yan te sc'op te mach'atic toj yo'tanic ya x'ac'awan ta libre.

Apocalipsis 12:11

Ha'ic la stsalic ta scuenta sch'ich'el te Jcolel Tuminchij soc ta scuenta te testigo-c'op la yalique. La sloq'ues sbahic ta yo'tanic, ma ba la xi'ic lajel.

Apocalipsis 3:10

Te bin ut'il acanantayej te jmandar te ya xcuhch awu'un te awocol, ha nix hichon ya jcanantayat ta yorahil tsajel te ya xtal ta stojol swohlol bahlumilal scuenta stsajelic te mach'atic nahinemic ta bahlumilal.

2 Pedro 2:18

Ya xc'opojic ta toyba c'op soc tojol c'op, soc ta scuenta te bin chopol ya smulan ch'ich'-baq'uet ya smonic a te mach'atic ma to haluc ahnic loq'uel ta stojol te mach'atic howiyemic.

Daniel 7:20

Soc ha nix hich co'tanuc la jca'iybe sc'oblal te lajunch'ix xulubil te ayic ta sjol, soc te yan tut xulubil te loc' talel, te yahlem oxch'ix xulubil ta stojol, ha te xulub te ay sit soc te ay ye te yac ta yalel bayel toyba-c'op, soc te ha muc' xan te bin ut'il te yantic xulubiletique.

Proverbios 28:25

Te mach'a bayel ya xbic'taj yo'tan, ya shach c'op, pero te mach'a ha smuc'ulinej yo'tan te Jehová ya xp'ohl bintic ay yu'un.

Proverbios 22:8

Te mach'a ya sts'un te bin chopol ha nix ya stsobe sit te bin chopole, soc ya me xlaj te sbastón te sc'ahc'al yo'tan.

Proverbios 21:24

Ha jlabanwanej sbihil te mach'a ya stoy sba te ya spas te bin scuenta toybahil.

Proverbios 18:6

Te sc'op te mach'a ma sna' q'uinal ya yac' hahchuc c'op, soc te bin ya yal ta ye ha ya yic' tal majel ta xul.

Salmos 57:4

Ayon ta yohlil chojetic, ta yohlil winiquetic te ya xehtayic c'ahc'; te sbaquel yehic pajal soc lanzahetic soc ya'tejibalul t'ihmalte'etic, te yaq'uic pajal soc espada te ay ye.

Salmos 12:3

Te Jehová ac'a slajin spisil te mach'atic ya xbahbac'opojic soc te ya yalic toyba-c'op;

Job 5:21

Ya me scoltayat ta ixta'c'optayel, ma ba ya xiwat te c'alal ya xtal te wocol yu'un jinel.

1 Samuel 2:3

Ma me xc'opojex soc atoybahilic, ma me xloc' toyba-c'op ta awe'ic, como te Jehová ha te Dios te ya sna' spisil, soc ay ta scuenta stsahtayel te bintic ya yich' pasele.

Salmos 31:18

Ac'a ch'abuc ta c'op te lotil-ehaletic, te ta scuenta toybahil soc p'ajel ya scontrac'optayic te mach'a toj yo'tane.

Proverbios 14:4

Mayuc trigo ta banti mayuc j'a'tel-wacax, ay bayel we'elil ta scuenta yip te j'a'tel-wacaxe.

Proverbios 13:3

Te mach'a ya stsahtay bin ya yal, ha nix ya scanantay te scuxlejal, yan te mach'a bayel ya xc'opoj, ya xjihnot yu'un.

Proverbios 18:7

Te ye te mach'a ma sna' q'uinal ha nix ya xjihnot yu'un; ta scaj sc'op ha nix ya syac sba.