Proverbios 14:10 - Bible in Tzeltal Bachajón

¹⁰ Te o'tanil sna'oj stuquel te bin c'ux ya ya'iy, soc mayuc yan mach'a ya ya'iybe te yutsil q'uinal ya ya'iye.

Bible in Tzeltal de Oxchuc y Tenejapa

¹⁰ Te o'tanil ya sna' te swocole, soc teme ay yutsil q'uinal ya yaiy, ma ba ya yalbey yantic te ma sna'bey sbae.

Proverbios 14:10 Referans Kwoze

Filipenses 4:7

Hich te lamal q'uinal te ya yac' te Diose, te c'ax muc' te ma xhu' cu'untic sna'el, ya me scanantaybeyex awo'tanic soc apensaric ta scuenta te Cristo Jesús.

Proverbios 18:14

Te yip yo'tan te winic ya yac' te ya xcuhch yu'un te schamel, pero ¿mach'a ya xcuhch yu'un te pich'il-o'tanile?

Proverbios 15:13

Te tse'el-o'tanil ya yac' te ya stse'ejin te sit yelaw, pero te bin c'ux ya ya'iy te o'tanil ya yac' mel-o'tan.

Job 10:1

¡C'axix co'tan yu'un te jcuxlejal! Jamal ya cal te ahcan cu'un, ya me xc'opojon ta scuenta te xut'ulil q'uinal ya ca'iy.

Apocalipsis 2:17

Te mach'a ay schiquin, ac'a me ya'iy te bin ya xhalbot yu'un te Espíritu te iglesiahetique. Te mach'a ya ya'iy tsalaw, ya ca'be swe' te maná nac'bil, soc ya ca'be tut saquil ton te ts'ihbabil tey a te yach'il sbihil te mayuc mach'a ya sna', ha nax ya sna' stuquel te mach'a ya yich'e, xchi.

1 Pedro 1:8

Aunque ma ba awilojic, c'ux yac awa'iy ta awo'tanic; aunque ma ba yac awilic ta ora ini, yac ach'uhunic soc ay bayel yutsil te stse'elil awo'tanic te ma xhu' ta halbeyel sc'oblal,

San Juan 14:18

Ma ba ya quihquitayex ta me'bahil; ya xtal joquinex.

Job 7:11

Ha yu'un ma ba ya xquehchajon ta c'op, ya xc'opojon ta swocol te jch'uhlel, ya cal te bin ch'a ya ya'iy te jch'uhlele.

1 Samuel 1:10

Te Ana, soc bayel smel-o'tan la sc'opon te Jehová, soc bayel oc'.

San Juan 12:27

Ta ora ini, bayel ayon ta wocol ya ca'iy. ¿Bin ya cal yu'un? ¿Jtat, coltayawon loq'uel ta jwocol ta ora ini, xchihon bal? como ha nix talemon yu'un a.

Ezequiel 3:14

Te espíritu la slicon hahchel, la yic'on bahel; pich'il co'tan soc ilin co'tan bahel, tulan stsacojon a te sc'ab Jehová.

Salmos 25:14

Te Jehová jun yo'tan soc te mach'atic ya yich'ic ta muc', ya ya'be sna' te chapbil-c'op yu'une.

Job 9:18

ma ba ya ya'bon quich' ic', ha ya ya'bon xut'ul q'uinal ya ca'iy.

2 Reyes 4:27

C'alal c'oht te banti ay te winic yu'un Dios ta wits, la spetbe yoc. Nohpoj tal te Giezi, c'an sjits loq'uel, pero te winic yu'un Dios la yal: Ihquitaya, como ay ta wocol ta mel-o'tan. Te Jehová smucoj, ma ba ya'beyejon jna' bin scuentahil, xchi.

San Juan 14:23

La sjac' te Jesús: Te mach'a c'uxon ta yo'tan, ya sch'uhumbon jc'op; c'ux ya x'a'iyot yu'un te Jtate, soc ya xtal cac' jbahcotic ta yo'tan soc ya jnahimbecotic yo'tan.

Génesis 42:21

Talel c'axel hich la yalbe sbahic: Ta mero melel la jta jmultic ta stojol te quihts'intic, la nax quilbetic swocol ta mel-o'tan c'alal la yalbotic wocol, pero ma ba la jquich'betic ta cuenta; ha scuentahil te ay jwocoltic ta mel-o'tan ta ora ini, xchihic.

Job 21:25

Te yane, pich'il yo'tan a ya xcham, mayuc bin ora la ya'iy te bin leque.

1 Samuel 1:15

Pero la sjac' te Ana: Ma'uc, cajwal, ho'on antson te bayel yacon ta mel-o'tan. Ma ba cuch'oj vino o bin pajuben, yacon ta yalel ta stojol Jehová te bin ay ta co'tan.