Proverbios 14:1 - Bible in Tzeltal Bachajón

¹ Te p'ijil ants ya spas sna, yan te ants ma sna' q'uinal, ha nix ya sjihn ta sc'ab.

Bible in Tzeltal de Oxchuc y Tenejapa

¹ Te ants te ay sp'ijile, t'ujbil ya xchajban sna; yan te ants ma sna' q'uinale, ya sjin sna stuquel.

Proverbios 14:1 Referans Kwoze

Proverbios 21:9

Ha lec xan nahinel ta xuhc ba na te bin ut'il sjoquinel ta muc'ul na te ants te bayel ya x'utawan.

Proverbios 21:19

Ha lec xan nahinel ta jochol taquin q'uinal te bin ut'il nahinel soc jtuhl ants te hach-c'op soc te ya x'iline.

Rut 4:11

Spisil te mach'atic ayic ta yochibal te pueblo soc te mamaletic hich la sjaq'uic: Ho'otcotic testigohotcotic yu'un. Te ants te ya x'och ta ana, hichuc ac'a c'ohtuc yu'un Jehová te bin ut'il Raquel soc Lea te la shachbeyic sna te Israel. Soc te ha'ate muc'uc me ac'oblal ta Efrata, soc na'biluc aba ta Belén.

Proverbios 19:13

Te querem te ma sna' q'uinal, ya ya'be swocol te state; te yutaw te ants pajal soc t'ojob te spisil ora xt'ult'on.

1 Reyes 16:31

Ma tic'uc la ya'iy a te la st'un te muliletic yu'un te Jeroboam snich'an Nabat, ha nuhpun soc Jezabel yantsil-nich'an Et-baal ajwalil ta Sidón. Hich baht yac' sba ta a'batinel ta stojol Baal soc la sch'uhuntay.

2 Reyes 11:1

Te c'alal la yil te Atalía te snan Ocozías te lajix te yale, hahch smilticlan spisil te mach'atic ay yu'un te ajwalile.