Proverbios 13:4 - Bible in Tzeltal Bachajón

⁴ Te mach'a ch'aj, ay bin ya sc'an, pero mayuc bin ya sta, yan te mach'atic ya ya'telinic bin ya sc'an pasel, ya xp'ohl bintic ay yu'unic.

Bible in Tzeltal de Oxchuc y Tenejapa

⁴ Te mach'a ch'aj, ma sta te bila ya sc'an yo'tane; yan te mach'a ya x'at'eje, ya x'esmaj sbiluc stuquel.

Proverbios 13:4 Referans Kwoze

Proverbios 12:24

Te mach'a ya x'a'tej, ya me xcuentahinwan, yan te mach'a ch'aj, ya xmosohinot yu'un yan.

Proverbios 12:11

Te mach'a ya x'a'tej ta sq'uinal, ay me bayel we'elil yu'un, yan te mach'a ya st'un te bin ma xtuhun, mayuc sp'ijil yo'tan.

Proverbios 10:4

Te mach'a ch'aj sc'ab, ya yac' ya xpobrehub, yan te sc'ab te mach'atic ya x'a'tejic ya yac' c'ulejalil.

Proverbios 11:25

Te mach'a ma p'isbiluc nax ya yac', ya xp'ohl bintic ay yu'un; te mach'a ya ya'be te yane, ha nix ya x'a'bot.

Proverbios 28:25

Te mach'a bayel ya xbic'taj yo'tan, ya shach c'op, pero te mach'a ha smuc'ulinej yo'tan te Jehová ya xp'ohl bintic ay yu'un.

Hebreos 6:11

Pero ha ya jc'ancotic te tuhlutuhlex hich nix yac awo'tantayic spasel c'alal to ta slajibal ora, scuenta yu'un hich me ya xc'oht ta acuentahic a te bin jun awo'tanic yac amahlibelic,

San Juan 6:27

Ma me x'a'tejex yu'un te we'elil te ya xlaj, a'tejanic me yu'un te we'elil te ya yac' cuxlejal sbahtel q'uinal, ha te ya ya'beyex te Nich'anil ay ta scuenta winic, como la yac' ta ilel te Dios Tatil te ha lec yo'tan yu'un, xchi.

Proverbios 8:34

Bayel me yutsil te mach'a ya ya'iybon te jc'ope, te jujun c'ahc'al ya sq'uehlan sit ta ti'nahiletic cu'un, te yac smahliybel ta sti'il te jnahe.

Isaías 58:11

Te Jehová ya stojobtesat bahel spisil ora, ta taquin q'uinal ya ya'bat bin ya xtuhun awu'un, soc ya ya'be yip te abaquele. Hich ya xc'ohat te bin ut'il ts'umbil nichimetic te a'bibil ya'lel, hich te bin ut'il sloq'uib-ha' te jc'axel ma xtup'.

Proverbios 26:13

Hich ya yal te mach'a ch'aj: ¡Ay choj ta be! ¡Ay choj ta callehetic! xchi.

Salmos 92:14

Ya to sitin aunque mamalix, ay me yipic soc stalel yaxic,

Números 23:10

¿Mach'a ya xhu' ya yahtay te ts'u'lum yu'un Jacob, o te jun ta schanebal parte yu'un te Israel? Ac'a chamucon hich te bin ut'il ya xcham te mach'atic toj yo'tanic, ha'uc nix hich ya xlaj corahil, xchi.

Proverbios 6:6

Bahan, ila awil te ts'isim, ha'at te ch'ajate, ila awil bin yac spasbelic, ayuc me sp'ijil awo'tan.

Proverbios 12:27

Te mach'a ch'aj ni ma ba ya swo te bin stsacoje; pero te bin bayel sc'oblal ya ya'iy te winique, ha te ya ya'telin te bin ya sc'an pasele.

Proverbios 13:3

Te mach'a ya stsahtay bin ya yal, ha nix ya scanantay te scuxlejal, yan te mach'a bayel ya xc'opoj, ya xjihnot yu'un.

Proverbios 13:5

Te mach'a toj yo'tan ya yihlay te bin ma meleluc, yan te mach'a chopol ya yac' q'uexlal soc ma x'ich'ot ta cuenta.

Proverbios 20:4

Te mach'a ch'aj ma schahpan sq'uinal ta yorahil scomil c'ahc'al; hich ta yorahil stsobel sit, ya sle, pero mayuc bin ya sta.

Proverbios 21:5

Te bintic chahpambil te nopbil ta lec, ya yac' te ay bintic ya yich' tahel a, pero spisil te bin ahnimal chahpambil ya yac' pobrehil.

Proverbios 21:25

Te mach'a ch'aj, ya xmilot yu'un te bin ya sc'an yo'tan, como ma sc'an a'tel te sc'abe.

Génesis 26:32

Ha nix sc'ahc'alel a te tal te a'batetic yu'un Isaac, la yalbeyic sc'oblal te pozo te la shotic, hich la yalic: La jtahcotiquix ha', xchihic hulel.

Josué 7:3

Te c'alal suhtic tal hich la yalbeyic te Josué: Ma fuersahuc ya xmohic bahel spisil te pueblo; ta cha'mil o oxmiluc winiquetic ya xhu' ya stsalic te Hai; ma xawa'be swocol ta lubel spisil te pueblo te ya xbahtic tey a, como mayuc bayelic, xchihic.

Proverbios 24:30

C'axon ta sq'uinal te ch'ajil winic, tey ta sts'usubil te mach'a mayuc snopojibal yu'un;

Proverbios 24:31

la jquil te nojel ta ch'ixetic, mucul ta ha'mal, soc hemts'ujem te ton joybil a.

Cantares 5:3

Hich la jcal: La jloq'uesix te jc'u' jpac'; ¿ya to bal jcha'lap xan? La jpoquix coc; ¿bin ut'il ya c'an yich' xan abac? xchihon.