Proverbios 13:3 - Bible in Tzeltal Bachajón

³ Te mach'a ya stsahtay bin ya yal, ha nix ya scanantay te scuxlejal, yan te mach'a bayel ya xc'opoj, ya xjihnot yu'un.

Bible in Tzeltal de Oxchuc y Tenejapa

³ Te mach'a ya stsajtay te sc'ope, stuquel nix ya scanantay sba a; yan te mach'a bayal ya xc'opoje, stuquel nix ya sjin sba.

Proverbios 13:3 Referans Kwoze

Proverbios 21:23

Te mach'a ya stsahtay bin ya yal ya scoltay sba ta bayel wocol.

Proverbios 18:21

Te lajel soc te cuxlejal ayic ta scuenta te yaq'ue; te mach'a ya smulan te bayel ya xc'opoj, ya me swe'be te site.

Proverbios 18:7

Te ye te mach'a ma sna' q'uinal ha nix ya xjihnot yu'un; ta scaj sc'op ha nix ya syac sba.

Salmos 39:1

Hich la jcal: Ya jtsahtay jba scuenta yu'un ma ba ya jta jmul soc te cac'; ya cotses freno ta que te c'alal ay ta jtojol te jchopol-o'tanetic, xchihon.

Proverbios 10:19

Ta banti ay bayel c'op, ay mulil tey a, yan te mach'a ya scom ye, ay sp'ijil yo'tan.

Proverbios 20:19

Te mach'a ya xlehawan ta c'op ya schicnajtes te bin muquen ay, ha yu'un ma me xajoquin te mach'a bayel ya xc'opoj.

Santiago 1:26

Teme ay mach'a sch'uhunej Dios ta sc'op, pero teme ma ba ya scom ye, ya slo'loy sba ta yo'tan, tojol te sch'uhunej Dios ya yale.

Proverbios 12:13

Te mach'a chopol yo'tan, ha nix ya schuc sba ta slot; yan te mach'a toj yo'tan ya xloc' ta wocol.

Salmos 34:13

Coma awe ta yalel bin chopol, soc te sti'il awe te ma ba ya yal lo'loywanej.

Salmos 141:3

Jehová, a'bon ta canantayel que; canantaybon te sti'il que.

Proverbios 10:14

Te mach'atic ay sp'ijil yo'tanic ya sq'uejic te p'ijil-o'tanil, yan te sc'op te mach'a ma sna' q'uinal, ya yic' tal jinel.

Proverbios 13:4

Te mach'a ch'aj, ay bin ya sc'an, pero mayuc bin ya sta, yan te mach'atic ya ya'telinic bin ya sc'an pasel, ya xp'ohl bintic ay yu'unic.

Jueces 16:11

Teme ya schuconic ta tulan ta yach'il lazohetic te mayuc tuhumbil, hich ya xlaj quip soc hich ya xc'ohon te bin ut'il yantic winiquetic, xchi te Samsón.

Jueces 16:17

Hich la yalbe ya'iy spisil bin ay ta yo'tan: Mayuc bin ora yich'oj set'el jol, yu'un nazareohon ta stojol Dios c'alal ma to x'ayinon a. Teme ya yich' loq'uesel te stsotsel jol, ya xch'ay te quip, hich ya xc'ohon te bin ut'il yantic winiquetic, xchi.

Proverbios 10:8

Te mach'a p'ij yo'tan ya yich' ta cuenta te mandariletic, yan te mach'a ma sna' bin ya yal, ya xjihnot yu'un.

Proverbios 14:3

Te bin ya yal te mach'a ma sna' q'uinal, ha xul ya xc'oht yu'un ta spat, yan te mach'a p'ij yo'tan ya xcanantayot yu'un te sc'ope.