Proverbios 13:25 - Bible in Tzeltal Bachajón

²⁵ Te mach'a toj yo'tan ya xwe' ha to banti c'alal ya sc'an yo'tan, yan te sch'uht te mach'atic chopol yo'tanic, jochol ya xhil.

Bible in Tzeltal de Oxchuc y Tenejapa

²⁵ Te mach'a toj yo'tan, ya xwe' ja' to bay c'alal ya sc'an yo'tan; yan te mach'a amen yo'tane, ay to swi'nal ya xjil stuquel.

Proverbios 13:25 Referans Kwoze

Salmos 34:10

Te jcolel chojetic ya xlaj yipic soc ya xtal swi'nalic, yan te mach'atic ya slehic te Jehová mayuc bin ya xpasbot falta yu'un te bin leque.

Proverbios 10:3

Te Jehová ma xyac' ta wocol ta wi'nal te mach'a toj yo'tan, pero ma ba ya ya'be bin ya sc'an yo'tan te mach'a chopol yo'tane.

Hebreos 13:5

Ma me xbaht ta awo'tanic sbic'sitayel taq'uin, junuc me awo'tanic yu'un te bin ay awu'unic, como hich yaloj te Diose: Ma jaymehl ya jpihtesat; mayuc bin ora ya quihquitayat, xchi.

1 Timoteo 4:8

aunque ay stuc te slecubtesel baq'uet, ha bayel xan stuc te slecubtesel o'tanil, yu'un ay bin ya jtahtic yu'un ta cuxlejal ini soc ta patil te ya xtale.

Proverbios 6:11

hich ya xtal apobrehil te bin ut'il jbehyom, hich ya xtal te aprobrehil te bin ut'il j'elec' te ay ya'tejib yu'un jmilaw.

Deuteronomio 32:24

Ya xlajic yu'un wi'nal, ya xlajinotic yu'un tulan c'ahc' soc jmilawal-chamel; soc ya jticon sbaquel ye jti'awal chambahlametic ta stojolic, soc veneno yu'un chanetic ayic ta q'uinal.

2 Tesalonicenses 3:10

Hich nix la jpasex ta mandar te c'alal joquexcotic to a: Te mach'a ma sc'an ya x'a'tej, ma me xwe', xchihotcotic.

Proverbios 24:34

hich ya xtal te apobrehil te bin ut'il jbehyom, hich te bin ut'il j'elec' te ay ya'tejib yu'un milaw.

Salmos 37:16

Ha lec xan a te jtebuc bin ay yu'un te mach'a toj yo'tan te bin ut'il te sc'ulejalic tsobol mach'atic chopol yo'tanic;

Salmos 37:3

Ac'a smuc'ulin awo'tan te Jehová soc pasa te bin leque; hich ya x'ayinat ta q'uinal soc yac amulan te bin smelelile.

Deuteronomio 28:48

ha yu'un ya me awac' aba ta a'batinel yu'un acontra te ya sticon tal ta atojol te Jehová, ha yac apas soc awi'nal, taquinti'il, mayuc ac'u' apac' soc mayuc bin ay awu'un a. Ha ya ya'bat ta anuc' jun yugo pasbil ta taq'uin, ha to c'alal jc'axel ya slajinat.

San Lucas 15:14

C'alal laj yixtalambel spisil, tal bayel wi'nal tey ta q'uinal, hahch ta wocol yu'un mayuquix bin ay yu'un.

Salmos 103:5

ha te ya snojesbat acuxlejal ta bin lec scuenta yu'un ya xqueremubat hich te bin ut'il jxic.

Salmos 132:15

Ya ca'be bayel bendición te bintic ay yu'un; ya cac' te ya xnoj sch'uhtic ta pan te pobrehetic yu'un.

Proverbios 13:18

Te mach'a ya sp'aj te tojobtesel, pobre ya xc'oht soc ya sta q'uexlal, yan te mach'a ya sch'uhun te tojobtesel, ya me x'ich'ot ta muc'.