Proverbios 13:13 - Bible in Tzeltal Bachajón

¹³ Te mach'a ya sp'aj nohptesel, ya me x'a'bot stoj yu'un, yan te mach'a ya yich' ta cuenta te mandar, ay bin ya sta yu'un.

Bible in Tzeltal de Oxchuc y Tenejapa

¹³ Te mach'a ma sc'an xch'uun mandal, ya me xwoclaj yu'un; yan te mach'a ya yich' ta muc' te mandale, ya me x'ac'bot stojol yu'un stuquel.

Proverbios 13:13 Referans Kwoze

Números 15:31

Te bin ut'il mayuc sc'oblal ta yo'tan te sc'op Jehová soc la sc'axuntaybe smandar, jc'axel me ya yich' loq'uesel soc scuchoj smul ya xhil, xchi.

2 Juan 1:8

Tsahtaya me abahic scuenta yu'un ma ba ya xch'ay a te sit te awa'telic, te ts'acaluc yac awich'ic stojol ac'abic.

2 Crónicas 36:16

Pero la slabanic te jal-c'opetic yu'un Dios soc ma ba la yich'beyic ta cuenta te sc'ope, la stse'layic te jalwanejetic ha to c'alal tohy yilimba Jehová ta scontra te pueblo yu'une, ma ba weht bin ya yich' pasbeyel.

Salmos 119:165

Te mach'atic c'ux ta yo'tanic te ley awu'un, ay bayel lamal q'uinal yu'unic, mayuc bin ya sc'ohchinic.

Ezequiel 20:13

Pero la stoy sbahic ta jtojol ta jochol taquin q'uinal te sna Israel; ma ba la st'unic te mandariletic cu'un soc la sp'ajic te leyetic cu'un te ha ta scuentahic te ya xcuxajic te mach'atic ya sch'uhunique; soc jc'axel la sbohlobtesbonic sc'oblal te sc'ahc'alel cux-o'tan cu'une. Ha yu'un la jcal te ya jmal cohel quilimba ta stojolic ta jochol q'uinal yu'un ya jlajinlan.

Salmos 19:11

Ha ya yich' tsitsel a te a'bat awu'une; ay muc' bin ya sta yu'un te ya yich' canantayel.

Ezequiel 20:16

como la sp'ajic te mandariletic cu'un, ma ba la st'unic te chahpambil mandariletic cu'un, soc la sbohlobtesbonic sc'oblal te sc'ahc'alel cux-o'tan cu'un, como baht yo'tanic ta stojol te loc'ombahetic yu'unique.

Ezequiel 20:24

como ma ba la spasbonic te halbil mandariletic cu'un, la sp'ajic te chahpambil mandariletic cu'un soc la sbohlobtesbonic sc'oblal te sc'ahc'alel cux-o'tan cu'un, soc baht sitic ta stojol te loc'ombahetic yu'un te sme'statique.

Isaías 66:2

Ha pasticlambil ta jc'ab spisil ini, hich chicnaj spisil, xchi te Jehová. Pero ha ya quil te mach'a pobre soc te ya xnihc yu'un te jc'ope.

Proverbios 13:21

Te bin chopol ha ya snuts te jmulawiletique, yan te mach'atic toj yo'tanic ya x'a'botic smahtanin te bin leque.

Proverbios 1:25

La ap'ajic spisil bintic ya ca'beyex ana'ic soc ma la ac'an te tojobtesel cu'une.

Salmos 115:13

ya me ya'be bendición te mach'atic ya yich'ic ta muc' te Jehová, muc' biq'uit.

San Lucas 16:31

La yal te Abraham: Teme ma sc'an ya ya'iybeyic bin la yal te Moisés soc te jalwanejetic, ma ba ya xc'oht ta yo'tanic aunque ay mach'a ya xcha'cuxaj tal ta yohlil te mach'atic chamenique, xchi.

Malaquías 3:16

Ha yu'un te mach'atic yich'ojic ta muc' te Jehová talel c'axel la yalbe sbahic; te Jehová la ya'iy ta lec bin la yalic. Ha yu'un ta stojol Jehová la yich' ts'ihbayel libro yu'un sna'ojibal yu'un te mach'atic xi'ojic te Jehová soc te ya yich'ic ta muc' te sbihile.

San Mateo 5:12

Tse'eluc me awo'tanic soc ayuc me yutsil awo'tanic yu'un, como muc' amahtan yac awich'ic ta ch'ulchan, como hich nix la yuts'inic te jalwanejetic te nahil ay awu'unique.

Jeremías 43:2

te Azarías snich'an Osaías, te Johanán snich'an Carea, soc spisil te toyba winiquetic hich la yalbeyic te Jeremías: ¡Lotil te bin yac awal! Te Jehová te Dios cu'untic ma ba hich la sticonat ta yalel: Ma me xbahex ta nahinel ta Egipto, ma xchihuc.

Esdras 10:3

Yo'tic, ya jchahp jc'optic soc te Dios cu'untic, ya jticontic suhtel spisil te jyanlum-antsetic cu'uncotic soc te yalatac, ha chican bin ya yal stuquel te cajwal soc te mach'atic ya yich'ic ta muc' te smandar te Dios cu'untique. ¡Ac'a yich' pasel hich te bin ut'il ya yal te Ley!

Éxodo 9:20

Te a'batetic yu'un faraón te la xi'ic te sc'op Jehová la yotsesic ta na te a'batetic soc te chambahlametic yu'unique.

Proverbios 13:12

Teme ma xtal te bin ay ta mahliyel, ya xwocolij o'tanil yu'un, yan teme ya xc'oht ta pasel te bin la sc'an yo'tan, ha te' scuenta cuxlejal.

Proverbios 19:16

Te mach'a ya sch'uhun spasel te mandaril ya scanantay scuxlejal, yan te mach'a ya sp'aj te behetic yu'un, ya me xlaj.

Salmos 19:12

¿Mach'a ya xhu' sna'el te banti howiyem? Pasbon perdón yu'un te muquen faltahetic cu'une.

Proverbios 16:20

Te mach'a ya yich' ta cuenta te c'op ay bintic lec ya sta yu'un, soc bayel yutsil te mach'a smuc'ulinej yo'tan te Jehová.