Proverbios 13:1 - Bible in Tzeltal Bachajón

¹ Te querem te p'ij yo'tan ya sch'uhun te tojobtesel yu'un te state, yan te mach'a jlabanwanej ma xyich' ta cuenta te tsitsele.

Bible in Tzeltal de Oxchuc y Tenejapa

¹ Te nich'anil te ay sp'ijile ya xch'uun tojtesel yu'un stat; yan te mach'a jlabanwaneje, ma xyich' ta muc' te scomele.

Proverbios 13:1 Referans Kwoze

Proverbios 15:5

Te mach'a ma sna' q'uinal ya sp'aj te tojobtesel yu'un te state; yan te mach'a ya sch'uhun tojobtesel ay sp'ijil yo'tan.

Proverbios 15:20

Te querem te p'ij yo'tan ya ya'be yutsil yo'tan te stat; yan te querem ma sna' q'uinal ya sp'aj te snane.

Proverbios 10:1

Te tsahbil c'opetic yu'un Salomón: Te querem te p'ij yo'tan ya ya'be yutsil yo'tan te state, pero te querem te ma sna' q'uinal ya ya'be smel yo'tan te snane.

1 Samuel 2:25

Teme ay mach'a ya sta smul ta stojol yan, Dios ya xc'opoj yu'un, pero teme ay mach'a ya sta smul ta stojol Jehová, ¿mach'a ya xc'opoj yu'un stuquel? xchi. Pero ma ba la ya'iybeyic sc'op te statique, como te Jehová chapalix yu'un te ya smilticlan.

Proverbios 14:6

Te jlabanwanej ya sle p'ijil-o'tanil, pero ma ba ya sta ta lehel, yan te mach'a ya sna' q'uinal, ma ba wocol ya sta te p'ijil-o'tanile.

Proverbios 15:12

Te jlabanwanej ma lecuc yo'tan yu'un te mach'a ya xtsitsot yu'un; ma ba ya sjoquin te mach'atic p'ij yo'tanique.

1 Reyes 22:43

La st'umbe spisil bintic la spas te Asa te state, ma ba howiy; la spas te bintic lec ta stojol Jehová. Pero te toyol awilaletic ma ba la yich'ic jinel, como te pueblo ya to yaq'uic milbil mahtaniletic soc ya to schiq'uic pom tey a.

Proverbios 7:24

Ha yu'un, jnich'nab, a'iybon awa'iy te jc'ope, a'iybon awa'iy te bin ya cale.

Proverbios 12:15

Te mach'a ma sna' q'uinal, ya scuy ta toj te be yu'une, yan te mach'a p'ij yo'tan, ya sch'uhun te tojobtesele.