Proverbios 12:8 - Bible in Tzeltal Bachajón

⁸ Te winic ay ta halbeyel yutsil sc'oblal, ha chican te sp'ijil yo'tan, pero ya x'ihlayot te mach'a bohl yo'tane.

Bible in Tzeltal de Oxchuc y Tenejapa

⁸ Ay ta alel yutsil sc'oplal te mach'a ay sp'ijil sjole; yan te mach'a bol yo'tane, ilaybil stuquel.

Proverbios 12:8 Referans Kwoze

2 Corintios 10:18

Como ma ha'uc lec sc'oblal c'ohem te mach'a ha nix ya yal te lec sc'oblale, ha lec sc'oblal stuquel te mach'a ya xhalbot lec sc'oblal yu'un te Diose.

1 Corintios 4:5

Ha yu'un ma me ayuc bin yac achahpanic te ma to stahoj yorahil, ha to c'alal ya xtal te Cajwaltic, te ha ya schicnajtes bintic muquen ay ta yihc'al q'uinal soc ya me yac' ta na'el te bin snopoj ta yo'tanique. Ha to me ya yich' jujutuhl a te bin lec sc'oblal ya xhalbot yu'un Dios.

Hechos 12:23

Ora ehchentesot yu'un ch'ul a'bat yu'un Cajwaltic te Herodes ta scaj te ma ba la yalbe yutsilal te Diose; tohc schanul, cham yu'un.

San Lucas 16:8

Te yajwal la yalbe lec sc'oblal te chopol jcanan-biluc te bin ut'il la sna' bin la yut. Como te mach'atic scuenta bahlumilal c'ax hich ya sna'ic a bin ya yut soc te smohloltac te bin ut'il te mach'atic ayic ta scuenta sacal q'uinal.

Daniel 12:2

Tsobol te mach'atic wayalic ta ts'ubil lum ya xhahchic: ay mach'atic ya yich' scuxlejalic scuenta sbahtel q'uinal, te yantic ya xbahtic ta q'uexlal soc ta p'ajel sbahtel q'uinal.

Proverbios 5:23

Ya me xlaj ta scaj te mayuc tojobtesel yu'un, ya xhowiy bahel yu'un te jc'axel ma sna' q'uinal.

Proverbios 3:35

Te mach'atic p'ij yo'tanic ya x'ich'otic ta muc', yan te mach'atic ma sna'ic q'uinal ma x'ich'otic ta cuenta stuquel.

Proverbios 1:26

Ha yu'un ya me xtse'ejinon te c'alal ay awocolic; ya me jlabanex te c'alal ya xtal te bin yac axi'ic,

Salmos 132:18

Te scontratac ya ca'be sc'u'inic q'uexlal, yan stuquel xlipet te scorona, xchi.

Génesis 41:39

Te faraón la yalbe te José: Te bin ut'il Dios la ya'bat ana' spisil ini, mayuc mach'a hich ya sna' soc te hich ay sp'ijil yo'tan te bin ut'il te ha'ate.

1 Samuel 25:17

Ha yu'un nopa awa'iy bin ya sc'an yac apas, como chapalix te ay bin chopol ya xc'oht ta stojol te cajwalcotic soc spisil te mach'atic ay yu'une. Como mero chopol winic, mayuc mach'a ya xhu' ya sc'opon, xchi.

1 Samuel 18:30

Ya xloq'uic bahel ta guerra te jtsobaw yu'un te filisteohetic. Te jujun buelta te ya xloq'uic bahele, ha bayel xan hu' yu'un te David te bin ut'il te yantic a'batetic yu'un Saúl. Hich mero na'bil sba c'oht.

1 Samuel 16:18

Ha yu'un ay jtuhl ya'bat te hich la yal: Ay quiloj jtuhl snich'an Isaí ta Belén te ya sna' stijel te arpa, ay yip yo'tan soc ya sna' yaq'uel guerra, lec ya xc'opoj, t'ujbil soc joquimbil yu'un Jehová, xchi.

1 Samuel 13:13

Hich halbot yu'un te Samuel: Ma xana' te bin la apase. Te lajuc ach'uhumbe te mandar te la yalbat te Jehová te Dios awu'un, la yac' te stalel ayic ta ajwalil ta Israel te ats'umbal te hichuque.

Eclesiastés 8:1

¿Mach'a pajal soc te mach'a ay sp'ijil yo'tan? ¿Mach'a ya sna'be scuentahil te bintic aye? Te p'ijil-o'tanil ya sacubtesbe sit yelaw te winic soc ya syanijtesbe te tulan sit yelawe.

Proverbios 12:7

Ya xjihnotic yu'un Dios te mach'atic chopol yo'tanic, ma ba ya xchicnajiquix, yan te sna te mach'atic toj yo'tanic, stalel ya xhil stuquel.

Proverbios 12:9

Ha lec xan te mach'a peq'uel ay te ay a'bat yu'une, te bin ut'il mach'a scuyoj sba ta muc' pero mayuc swe'el.

Proverbios 29:27

Te mach'a toj yo'tan ya yihlay te mach'a ma ba toj yo'tan, te mach'a chopol yo'tan ya yihlay te mach'a toj yo'tan.

Isaías 19:14

Te Jehová la yac'ticlambe espíritu yu'un ma sna'ic bin ya spasic; ha la showiytesic te Egipto ta spisil bin ya spas, hich te bin ut'il jyacubel te xbahlawet ta xe.

1 Samuel 2:30

Ha scuentahil te hich ya yal te Jehová te Dios yu'un Israel: Calojix ta jamal te mach'atic ay awu'un soc te mach'atic ay yu'un atat ya me x'a'tejic ta jtojol spisil ora, te xchihe. Pero yo'tic ya yal te Jehová: Mayuc bin ora te hich ya jc'ohtes ta pasel, como ha ya quich' ta muc' te mach'atic ya yich'onic ta muc', yan te mach'atic mayuc jc'oblal ta yo'tanic, mayuc sc'oblal ya xc'oht cu'un.