Proverbios 12:5 - Bible in Tzeltal Bachajón

⁵ Te mach'a toj yo'tan, ha toj te bin snopoj ta yo'tan, pero ha lo'loywanej te bin ya yac' ta na'el te mach'atic chopolic.

Bible in Tzeltal de Oxchuc y Tenejapa

⁵ Te mach'a toj yo'tan, ja' ya snop te bitic toj ta pasele; yan te mach'a amen yo'tane, ja' nax ay ta yo'tan lo'laywanej.

Proverbios 12:5 Referans Kwoze

Isaías 55:7

Te mach'a chopol yo'tan ac'a yihquitay te be yu'une, te mach'a ay mulil ta yo'tan, ac'a yihquitay te snopojibal yu'une; suhtanic tal ta stojol Jehová, hich me ya xc'uxultayot yu'un, suhtanic tal ta stojol te Dios cu'untic, te ha ya spas bayel perdón.

Salmos 139:23

Na'bon co'tan, tsahtayawon, Dios cu'un; tsajawon soc na'bon bintic jnopoj ta co'tan.

Jeremías 4:14

Jerusalén, poca loq'uel te bin chopol ay ta awo'tan, yu'un hich ya xcolat. ¿Jayeb xan c'ahc'al ya xhil ta awo'tan te chopol snopojibal?

2 Corintios 4:2

Ha hilix cu'uncotic te bin muquen ay ta pasel soc te bintic q'uexlaltic sba, ma ba ya ca'iycotic lo'loywanej soc ma ba ya jyanijtesbecotic sc'oblal te sc'op Dios. Yan bin ya jpascotic, te bin ut'il jamal ya cac'cotic ta ilel te bin smelelil, ta stojol Dios ya cac' jbahcotic ta na'el ta yo'tanic spisil ants-winiquetic.

1 Corintios 4:5

Ha yu'un ma me ayuc bin yac achahpanic te ma to stahoj yorahil, ha to c'alal ya xtal te Cajwaltic, te ha ya schicnajtes bintic muquen ay ta yihc'al q'uinal soc ya me yac' ta na'el te bin snopoj ta yo'tanique. Ha to me ya yich' jujutuhl a te bin lec sc'oblal ya xhalbot yu'un Dios.

San Mateo 26:4

la schapic bin ya yut ya slo'loyic yu'un ya stsaquic soc ya smilic te Jesús.

San Mateo 2:16

Te Herodes, c'alal la sna' te tse'layot yu'un te p'ijil winiquetic, bayel ilin yu'un, hich la sticon ta milel spisil te bic'tal alaletic ta Belén soc ta sjoyobal te ma to stahojic cheb ya'bilalic, hich te bin ut'il jayeb ha'bil halbot yu'un te p'ijil winiquetique.

Proverbios 24:9

Ha mulil te bin chapal ta yo'tan te mach'a ma sna' q'uinal, soc ya xp'ajot te jlabanwanejetique.

Proverbios 11:23

Te bin ya sc'an te mach'atic toj yo'tanic lec me ya xc'oht ta loq'uel, pero te bin ya smahliy te mach'atic chopol yo'tanic, ha ya xc'oht ta loq'uel ta ilimba.

Salmos 119:15

Ya me jna'ulan te mandariletic awu'un, ya me jnop bin ut'il ay te behetic awu'une.

Proverbios 12:4

Te ants te lec stalel, ha corona yu'un te smamalale, yan te ants te ya yac' q'uexlal, ya sjoch'obtesbe sbaquel te smamalale.

Proverbios 12:6

Te sc'opic te mach'atic chopol yo'tanic ha yaquil yu'un milaw, yan te sc'op te mach'atic toj yo'tanic ya x'ac'awan ta libre.

Proverbios 14:8

Te p'ijil-o'tanil yu'un te mach'a p'ij, ha te ya stsahtay te behetic yu'un, pero te tojol c'op yu'un te mach'a ma sna' q'uinal, ya xlo'loywan.

Jeremías 9:3

Chapal yu'unic yalel lot hich te bin ut'il t'ihmalte'; ha ya ya'iy tsalaw te lot ta q'uinal, ma ha'uc te smelelile; yac ta p'ohlel yu'unic te bin chopole. Ma sna'bonic jba, xchi te Jehová.

Jeremías 9:5

Jujutuhl ya slo'loy te mach'a sjoc sba soc, mayuc mach'a ya yal te bin smelelil. La ya'beyic snop yalel lot te yehique, ya ya'telinic spasel te bintic chopol.