Proverbios 12:3 - Bible in Tzeltal Bachajón

³ Ma xhu' ya yich' yip te winic ta scuenta spasel bin chopol, yan te slohp' te mach'a toj yo'tan, ma xhu' ta bulel.

Bible in Tzeltal de Oxchuc y Tenejapa

³ Te bila ma lecuc ta pasel, ma'yuc bila lec ya xloc' yu'un a; yan te mach'a toj yo'tane, tulan ts'unulix stuquel.

Proverbios 12:3 Referans Kwoze

Proverbios 10:25

C'alal ya xc'ax bahel te tulan ic', ma ba chicanix ya xhil te mach'a chopol yo'tan, yan te mach'a toj yo'tan, stalel ya xhil stuquel.

Efesios 3:17

soc te yacuc xnahin ta awo'tanic te Cristo ta scuenta sch'uhunel awo'tanic, scuenta yu'un, te bin ut'il lop'inemex soc awich'oj awipic tey ta c'uxul-o'tanil,

Proverbios 12:12

Te mach'a chopol yo'tan ya xbic'taj yo'tan yu'un te yaquil yu'un te mach'atic chopol yo'tanic, yan te slohp' te mach'atic toj yo'tanic ya yac' sit stuquel.

Colosenses 2:7

c'uhbenuc ochel alohp'ic, soc ts'ahcubiluquex hahchel ta stojol soc yich'ojuc yip te sch'uhunel awo'tanic, hich te bin ut'il a'bilex anopic, soc bayeluc xawalbeyic wocol.

Salmos 15:5

ya yac' ta majanel staq'uin te ma sc'ambe sjol, soc ma ba ya stsac smahtan-taq'uin yu'un scontrahinel te mach'a mayuc smul. Te mach'a hich ya spas, mayuc bin ora ya xyahl.

1 Samuel 25:33

Bayeluc me yutsil te bin anopoj soc bayeluc me awutsil te ha'ate, yu'un la acomon te ma ba ya jmal ch'ich' yo'tic soc te ma ba ya jpac-c'abal.

Job 15:29

Ma ba ya xc'ulejub soc ma ba ya xhalaj te sc'ulejal, ma ba ya xpuhc ta q'uinal te bintic ay yu'un.

Proverbios 11:5

Te bin stojil ya spas te mach'a toj yo'tan, ya xtojobtesot ta be yu'un, yan te mach'a chopol yo'tan, ha ya xyahltesot yu'un te bin chopol ya spase.

Eclesiastés 8:8

Mayuc mach'a ay yip ta stojol te yic'al te cuxlejal, yu'un ya yac' te ma xtup', o te ay yip ta stojol te sc'ahc'alel lajel. Mayuc mach'a ya x'ac'ot bahel ta yorahil guerra, soc te mach'a chopol ma ba ya x'ac'ot ta libre yu'un te bin chopole.